សេដ្ឋកិច្ច
លោក ច្រឹក សុខនីម ប៉ាន់ស្មានថា ពលរដ្ឋខ្មែរកំពុងរស់នៅខុនដូមានចំនួន ២៥ភាគរយ
សង្គមអភិវឌ្ឍន៍សម័យថ្មី សំណង់អគារខុនដូនៅស្រុកខ្មែរចេះតែមានកំណើនច្រើនក្នុងរាជធានីភ្នំពេញ និងមានប្រជាជនខ្មែរប្រមាណ ២៥ភាគរយ ដែលកំពុងរស់នៅខុនដូបែបសម័យទំនើប ហើយ ៧៥ភាគរយផ្សេងទៀត គឺជាជនបរទេស។ នេះជាការលើកឡើងរបស់លោកច្រឹក សុខនីម ប្រធានសមាគមវាយតម្លៃអចលទ្រព្យកម្ពុជា។
ថ្លែងប្រាប់កម្ពុជាថ្មី លោក ច្រឹក សុខនីម បានបញ្ជាក់ថា តាមការប៉ាន់ស្មាន ២៥ភាគរយនៃជនជាតិខ្មែរ ដែលរស់នៅខុនដូ គឺជាយុវវ័យដែលទើបតែត្រឡប់មកពីសិក្សាបរទេស ឬអ្នកទើបតែរៀបការហើយថ្មីថ្មោង ដែលអាចសម្របខ្លួន បានទៅនឹងការរស់នៅបែបលក្ខណៈបរិបទថ្មី។ លោកបានបន្តថា ការដែលប្រជាជនខ្មែរ មិនទាន់រស់នៅខុនដូច្រើន មិនមែនមកពីគ្មានលទ្ធភាពនោះទេ គឺដោយសារតែពលរដ្ឋភាគច្រើនទម្លាប់រស់នៅបុរី ឬផ្ទះល្វែង ជាពិសេសមនុស្សវ័យចាស់ ពួកគាត់មិនទម្លាប់រស់នៅបែបសម័យទំនើប។
បើតាមលោក ច្រឹក សុខនីម ការរស់នៅខុនដូ គឺត្រូវការចំណាយជាប្រចាំខែ។ លោកថា ជាមធ្យមតាមខុនដូនីមួយៗ អ្នករស់នៅត្រូវចំណាយខ្ទង់ប្រហែល ២ទៅ៣ ដុល្លារក្នុងទំហំ មួយម៉ែត្រការ៉េ ទៅលើសេវាផ្សេងៗ ដូចជា សេវាទឹក ភ្លើង អនាម័យ និងសន្តិសុខ ជាដើម។
ផ្អែកតាមរបាយការណ៍ដែលចេញផ្សាយដោយ CBRE Cambodia បានបង្ហាញថា នៅក្នុងត្រីមាសទី១នៃឆ្នាំ២០២២នេះ ការផ្គត់ផ្គង់ខុនដូនៅលើទីផ្សារមិនសូវមានកំណើនច្រើនទេ ប៉ុន្តែចូលមកដល់ត្រីមាសទី២ ការផ្គត់ផ្គង់ក៏មានចំនួនច្រើនឡើង ដោយក្នុងនោះ គម្រោងខុនដូដែលបានផ្អាកដំណើរការកាលពីអំឡុងពេលកូវីដ១៩ បានចាប់ផ្ដើមមានសកម្មភាពសាងសង់ឡើងវិញ ជាមួយនឹងកំណើននៃអ្នកបញ្ជាទិញក៏ចាប់ផ្តើមមានដូចគ្នា៕
អត្ថបទ៖ នាង រតនៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ