សេដ្ឋកិច្ច
អ្នកជំនាញជំរុញបង្កើនការផលិត និងពង្រឹងគុណភាពផលិតផលក្នុងស្រុក ដើម្បីចំណេញសេដ្ឋកិច្ចជាតិ
អនុប្រធានសភាពាណិជ្ជកម្ម បានជំរុញ និងលើកទឹកចិត្តឱ្យពាណិជ្ជករ និងសហគ្រាសក្នុងស្រុកទាំងអស់ គួរតែបង្កើនការផលិតនៅក្នុងស្រុកដោយខ្លួនឯង ដើម្បីកាត់បន្ថយការនាំចូលពីបរទេស និងជួយដល់កំណើនសេដ្ឋកិច្ចជាតិ កំឡុងពេលមានវិបត្តិសកល បណ្ដាល មកពីបញ្ហាកូវីដ-១៩ និងសង្គ្រាមរុស្ស៊ី អ៊ុយក្រែន។
ជាមួយនឹងការជំរុញបង្កើនការផលិតផលិតផលក្នុងស្រុក លោក បណ្ឌិត តាន់ មុនីវណ្ណ អនុប្រធានសភាពាណិជ្ជកម្ម បានគូសបញ្ជាក់ថា សហគ្រាស និងពាណិជ្ជករទាំងអស់ គួរតែកាត់បន្ថយការនាំចូល ហើយងាកមកពង្រឹង និងបង្កើនការផលិតដោយខ្លួនឯងវិញ។ លោកបណ្ឌិត តាន់ មុនីវណ្ណ លើកទឹកចិត្តដល់ពាណិជ្ជករទាំងអស់ គួរតែរួមគ្នាជាប្រព័ន្ធ Eco System តែមួយ ជាការជួយដល់ចង្វាក់ផលិតកម្មបំពេញគ្នាទៅវិញទៅមក ជៀសវៀងការធ្វើអាជីវកម្មលើមុខរបរតែមួយដូចគ្នា ប្រកួតប្រជែងគ្នាទៅវិញទៅមក ដែលមិនអាចជួយជម្រុញសេដ្ឋកិច្ចជាតិបាន។
លោកបណ្ឌិត តាន់ មុនីវណ្ណ បន្ថែមដូច្នេះថា« ការពង្រឹង និងបង្កើតការផលិតដោយខ្លួនឯង គឺធ្វើឱ្យរាជរដ្ឋាភិបាលបន្ធូរបន្ថយ ឬមិនយកពន្ធ មានការផ្តល់ហិរញ្ញប្បទានដែលមានការប្រាក់ទាប និងមានការលើកទឹកចិត្តជួយរកទីផ្សារ»។
លោក បណ្ឌិត តាន់ មុនីវណ្ណ ថ្លែងបែបនេះ នៅក្នុងពិធីបើកវេទិកាម្ចាស់អាជីវកម្មកម្ពុជាស្តីពី ការប្រឈម និងឱកាសក្រោយកូវីដ-១៩ និងរលកសេដ្ឋកិច្ចសកលថ្មី នាពេលថ្មីៗនេះ។ អនុប្រធានសភាពាណិជ្ជកម្ម មានប្រសាសន៍ថា នាបច្ចុប្បន្ន ការផ្គត់ផ្គង់ក្នុងស្រុក គឺត្រូវពឹងផ្អែកស្ទើរតែទាំងស្រុកពីការនាំចូលពីប្រទេសដទៃទៅលើគ្រប់ផ្នែកទាំងអស់ ប្រហែល៨០ ទៅ៩០ ភាគរយទៅហើយ ទាំងនៅក្នុងវិស័យកសិកម្ម ឧស្សាហកម្មកែច្នៃ និងគ្រឿងទេសជាដើម ដែលតម្រូវឱ្យមានការនាំចូល សម្រាប់ផ្គត់ផ្គង់បំពេញតម្រូវការ ដោយនេះមិនមែនជាការប្រសើរឡើយ ចំពោះការអភិវឌ្ឍន៍សេដ្ឋកិច្ច៕
អត្ថបទ៖ នាង រតនៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»