សេដ្ឋកិច្ច
ពិភពម៉ាកយីហោល្បីៗ ផ្សារទំនើបខ្នាតយក្ស ជីប ម៉ុង មេហ្កាម៉ល បានបើកដំណើរការសាកល្បងហើយ
ទីបំផុតផ្សារទំនើបដ៏ធំខ្នាតយក្សដែលជាម៉ាកយីហោស្រុកខ្មែរ ជីបម៉ុង មេហ្កាម៉ល ផ្លូវ ២៧១ ត្រូវបានដាក់សម្ពោធ ដំណើរការសាកល្បងផ្លូវការនាថ្ងៃទី ១២ កញ្ញា ឆ្នាំ ២០២២នេះ ក្រោមវត្តមានអ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង។
ផ្សារទំនើបខ្នាតយក្សមួយនេះគឺបណ្តុំទៅដោយហាងទំនើបៗ ម៉ាក់យីហោល្បីៗជាច្រើនរហូតដល់១៧០ ហាងដែលសុទ្ធតែហាងសំបូរទៅដោយទំនិញមានគុណភាពខ្ពស់។
ទន្ទឹមនោះក៏មានការបើកសាកល្បងដំបូងម៉ាកយីហោ ល្បីៗចំនួន ៣០ ដូចជា ហាងលក់សម្លៀកបំពាក់ H&M Ten11 Routine ហាង 361° ឱសថស្ថាន ឱសថផ្លឹស ភោជនីយដ្ឋាន Bong Crab, Pka K’nhey Steaklub LYN ហាង Calvin Klein ហាងនំប៉័ង Masao ហាងតុបតែងសក់ Leekaja ហាងលក់សម្ភារប្រើប្រាស់ចម្រុះ Miniso ហាងកាហ្វេ Starbucks ហាងកាហ្វេ Brown Coffee and Bakery ហាង Potato Corner ភោជនីយដ្ឋាន Misigga BBQ ផ្សារទំនើប ជីប ម៉ុង Supermarket ជាដើម បានបើកស្វាគមន៍ទទួលអតិថិជននាថ្ងៃដំបូងដូចគ្នា ដែលមានការបញ្ជុះតម្លៃផ្សេងៗជាច្រើន។ បន្ថែមពីនេះ នៅមានហាងម៉ាកយីហោល្បីៗជាច្រើនទៀត នឹងត្រៀមដំណើរការបើកនាពេលឆាប់ៗខាងមុខនេះ។
លោកស្រី លី សុខឆេង អគ្គនាយិកានៃក្រុមហ៊ុនជីប ម៉ុង រីថែល មានប្រសាសន៍ថា ផ្សារទំនើប ជីប ម៉ុង មេហ្គាម៉ល គឺប្រមូលផ្តុំទៅដោយពិភពម៉ាកយីហោល្បីៗ នៅក្នុងស្រុក និងអន្តរជាតិ ដែលមានទៅដល់ ១៧០ ម៉ាកឯណោះ។ ជាពិសេស ម៉ាកយីហោល្បីជាង ៣០ភាគរយ ដែលស្រុកខ្មែរ មិនធ្លាប់មានពីមុន ដូចជា ប្រេន Zara ជាដើម បច្ចុប្បន្ន គឺមាននៅផ្សារទំនើប ជីប ម៉ុង មេហ្កាម៉លហើយ។
លោកស្រីសង្ឃឹមថា ការនាំចូលប្រេនល្បីៗលំដាប់អន្តរជាតិនេះ នឹងធ្វើឱ្យប្រជាពលរដ្ឋខ្មែរមានភាពងាយស្រួល ដោយមិនចាំបាច់ធ្វើដំណើរទៅទិញទំនិញក្រៅប្រទេសនោះឡើយហើយ ជីប ម៉ុង មេហ្កាម៉ល នឹងក្លាយទៅជាគោលដៅទិញទំនិញដ៏ពេញនិយមសម្រាប់ប្រជាពលរដ្ឋក្នុងប្រទេស។
សូមបញ្ជាក់ថា ផ្សារទំនើបខ្នាតយក្ស ជីប ម៉ុង មេហ្កាម៉ល មានទំហំវិនិយោគច្រើនជាង ១៥០លានដុល្លារ ដែលផ្តើមសាងសង់ចាប់តាំងពីឆ្នាំ ២០១៨ មក លើផ្ទៃក្រឡាជាង ១៦ម៉ឺនម៉ែត្រការ៉េ កម្ពស់៤ជាន់ និងមានកន្លែងចតយានជំនិះធំទូលាយ ផ្តល់ភាពងាយស្រួលដល់អតិថិជន។
ផ្សារទំនើបដ៏ធំនេះ មានទីតាំងស្ថិតនៅក្នុងគម្រោងលែនម៉ាក ២៧១ របស់ ជីប ម៉ុង លែន ក្បែរផ្លូវសំខាន់ៗដូចជា ផ្លូវ២៧១ ផ្លូវ៣៧១ និងផ្លូវ៦០ម៉ែត្រ៕
អត្ថបទ៖ នាង រតនៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត