Connect with us

ព័ត៌មានជាតិ

​​​ផ្សារ​ទំនើប​ធំ ៣ កំពុងប្រជែងគ្នា​នៅ​តំបន់​ផ្លូវ ៦០ ម៉ែត្រ

បានផុស

នៅ

ខណៈ​តំបន់ផ្លូវ ៦០ ម៉ែត្រ ​កំំពុងទាក់ទាញ​គម្រោង​វិនិយោគលើ​វិស័យ​អចលទ្រព្យ​ដោយ​មានការ​សាងសង់​សំណង់​អគារខុនដូ​ខ្ពស់ៗ។ នៅ​​ប៉ុន្មាន​ឆ្នាំ​ខាង​មុខ​នេះ គេ​ក៏​មើលឃើញ​​តំបន់​​នេះ​នឹងក្លាយ​ជា​មជ្ឍមណ្ឌលហាង​លក់ទំនិញ​ដ៏​ធំបំផុត​នៅ​តំបន់​ខាង​ត្បូង​រាជធានី​ភ្នំពេញ​ ក្រោយ​គម្រោងផ្សារ​​ទំនើប​ធំៗ​​​ដាក់​ឲ្យ​ដំណើរការ​ឆាប់ៗ​នេះ។

ជីប ម៉ុង ២៧១ មេហ្គាម៉ល បាន​​បញ្ចប់​ការ​សាងសង់ ​និង​​ដាក់​ឲ្យដំណើរការ​មុន​គេ ក្នុង​ចំណោមគម្រោង​ផ្សារទំនើបខ្នាត​យក្ស​​ធំ​ៗចំនួន ៣ ដែល​ប្រកាសបើកនៅ​តំបន់​អភិវឌ្ឍ​ផ្លូវ ៦០ ម៉ែត្រ។

វត្តមាន​របស់​​ផ្សារ​ទំនើប ជីប ម៉ុង ២៧១ មេហ្គាម៉ល នឹង​ទាក់ទាញ​បន្ថែម​ទៀត​សម្រាប់​ពលរដ្ឋ​រស់នៅ​តំបន់​ជុំវិញ ខណៈ​ដែល​តំបន់​នេះ​មានការ​អភិវឌ្ឍ​លើ​​ហេដ្ឋា​រចនាសម្ព័ន្ធ​ផ្លូវ​ថ្នល់​ខ្វាត់​ខ្វែង ជាមួយ​ការ​សាងសង់សំណង់អគារ​លំនៅដ្ឋាន ខុនដូ និងផ្សារទំនើបជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ីអន ៣ ឬអ៊ីអនមានជ័យ

​ផ្សារទំនើបអ៊ីអន ៣ ក៏ជាគម្រោង​វិនិយោគ​ដ៏​ធំ​មួយ​ទៀត​។ នេះ​ជា​គម្រោង​ផ្សារ​អ៊ីអន​ទី ៣ ដែល​អភិវឌ្ឍ​ដោយ​ក្រុមហ៊ុនជប៉ុន ក្រោយ​ជោគជ័យ​លើ​ផ្សារ​ទំ​នើប​អ៊ី​អន​ I នៅ​តាម​បណ្តោយ​វិ​ថី​សុ​ធា​រស ដែល​បាន​បើក​ដំ​ណើរ​ការ​កាល​ពី​ឆ្នាំ ២០១៤ និង អ៊ីអន​ II ដែល​បានបើក​សម្ពោធ​កាល​ពី​ខែ មិថុនា ឆ្នាំ ២០១៨។

ផ្សារ​ទំនើបអ៊ីអនសាខា​ទី ៣ ដែលតាម​គម្រោងនឹង​​បញ្ចប់​​នៅ​ចុង​ឆ្នាំនេះ ​នឹងក្លាយជាសាខាផ្សារទំនើប AEON Mall ធំជាងគេនៅក្នុងតំបន់អាស៊ាន​។ នេះបើ​តាមការអះអាង​របស់​ក្រុមហ៊ុន​។

PH Diamond Place

ដោយ​ឡែក នៅតាម​ណ្ដោយផ្លូវសម្ដេចតេជោ ( ផ្លូវ៦០ម៉ែត្រ) ក្រុម​ហ៊ុនប៉េង ហួត ក៏​បាន​ប្រកាស​​សាងសង់​ផ្សារ​ទំនើប​ PH Diamond Place ដែលមានទីតាំង​នៅក្បែរ​គម្រោង​ផ្សារទំនើប​អ៊ីអន ៣។

ផ្សារទំនើប PH Diamond Place ជាផ្នែកមួយនៃគម្រោងអភិវឌ្ឍទំនើបចំរុះ The Star Diamond របស់​ក្រុមហ៊ុន​ប៉េង ហួត ដែល​លាត​សន្ធឹង​លើ​ផ្ទៃដី​ប្រមាណ​ជាង ៤០​ហិកតា​។ ​ផ្សារទំនើប PH Diamond Place ចាយ​ទុនជាង ៦០ លាន​ដុល្លារ​ បាន​​បើក​ការដ្ឋាន​សាងសង់​តាំង​ពី​ដើម​ឆ្នាំ ២០១៨ ​ហើយគ្រោង​បញ្ចប់​នៅ​​ឆ្នាំ ២០២១ ប៉ុន្តែ​​​​ត្រូវ​បាន​ពន្យារ​ពេល​​រហូត​មក​ដល់​ពេល​នេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម