អ្នកនាំពាក្យ៖ ស្រូវឡើងថ្លៃវិញ ក្រោយចប់ពិធីបុណ្យភ្ជុំបិណ្ឌ

លោក ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា តម្លៃស្រូវសើមបន្តកើនឡើងជារៀងរាល់ថ្ងៃ បន្ទាប់ពីបញ្ចប់ពិធីបុណ្យភ្ជុំបិណ្ឌ ដែលជាសញ្ញាល្អសម្រាប់កសិករ។

លោក ឃឹម ហ្វីណង់ បានឱ្យដឹងថា «មធ្យមភាគថ្លៃស្រូវសើម» កាលពីថ្ងៃទី ០៧ ខែតុលា ឆ្នាំ ២០២៤ ម្សិលមិញ ថ្លៃ​ទិញ​ដល់វាលស្រែផ្ទាល់របស់បងប្អូនកសិករនៅតាមតំបន់សំខាន់ៗមួយចំនួនជុំវិញបឹងទន្លេសាបដូចជាខេត្តបាត់ដំបង ខេត្តពោធិ៍សាត់ ខេត្តបន្ទាយមានជ័យ និងខេត្តសៀមរាប។

លោក ឃឹម ហ្វីណង់បន្ថែមថា៖ «តាមការសង្កេត ថ្លៃស្រូវសើមបន្តកើនឡើងម្តង១លេខ/២លេខជារៀងរាល់ថ្ងៃ ចាប់តាំងពីបុណ្យភ្ជុំចប់ ជាសញ្ញាបង្ហាញថាទីផ្សារនាំចេញស្រូវកំពុងស្រូបទាញយ៉ាងល្អ ស្របពេលដែលរោងម៉ាសុីនកិនអង្ករក្នុងស្រុករាប់រយទៀត ក៏កំពុងប្រមូលទិញស្រូវស្តុកទុកដើម្បីកែច្នៃជាអង្ករនាំចេញផងដែរ»។

យោងតាមរបាយការណ៍របស់សហព័ន្ធស្រូវអង្ករកម្ពុជា នៅថ្ងៃទី ០៧ ខែតុលា ឆ្នាំ ២០២៤ តម្លៃស្រូវOM នៅខេត្តបាត់ដំបង ១០៣០ រៀល ក្នុងមួយគីឡូក្រាម ស្រូវសែនក្រអូប ១២៤០ រៀល ក្នុងមួយគីឡូក្រាម និងស្រូវស្រង៉ែ ១០៤០ រៀល ក្នុងមួយគីឡូក្រាម៕

របាយការណ៍លម្អិតខាងក្រោម៖