ព័ត៌មានអន្ដរជាតិ

ក្រុមហ៊ុនស៊ីម៉ងត៍ថៃ SCG ព្រួយបារម្ភពីផលប៉ះពាល់អាជីវកម្ម ដោយសារពន្ធលើអាស៊ាន

បានផុស

១ year មុន

នៅ

ថ្ងៃសុក្រ ២ ឧសភា ២០២៥

ដោយ

ក្រុមហ៊ុន Siam Cement Group (SCG) ដែលជាក្រុមហ៊ុនផលិតស៊ីម៉ងត៍ និងជាក្រុមហ៊ុនឧស្សាហកម្មដ៏ធំបំផុតរបស់ប្រទេសថៃ មានការព្រួយបារម្ភអំពីផលប៉ះពាល់លើអាជីវកម្មរបស់ខ្លួន ដែលបណ្ដាលមកពីគោលនយោបាយពន្ធគយរបស់សហរដ្ឋអាមេរិកនៅអាស៊ីអាគ្នេយ៍ ព្រោះតំបន់នេះគឺជាទីផ្សារចម្បងខ្លួន។ នេះបើតាមការចុះផ្សាយរបស់កាសែតបាងកកប៉ុស្តិ៍កាលពីថ្ងៃព្រហស្បតិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន SCG បាននិយាយថា សេដ្ឋកិច្ចនៃប្រទេសជាច្រើនក្នុងតំបន់នឹងរងផលប៉ះពាល់ដោយពន្ធគយបដិការរបស់អាមេរិក ប្រសិនបើពួកគេបរាជ័យក្នុងការចរចាជាមួយរដ្ឋបាលរបស់ប្រធានាធិបតី ដូណាល់ ត្រាំ។

អាស៊ីអាគ្នេយ៍ គឺជាតំបន់រងនូវពន្ធគយបដិការធ្ងន់ធ្ងរជាងគេ ធៀបនឹងតំបន់ដទៃ ដែលក្នុងនោះ រួមមាន កម្ពុជា ៤៩ ភាគរយ, ឡាវ ៤៨ ភាគរយ, វៀតណាម ៤៦ ភាគរយ, មីយ៉ាន់ម៉ា ៤៤ ភាគរយ, ថៃ ៣៦ ភាគរយ, ឥណ្ឌូណេស៊ី ៣២ ភាគរយ, ម៉ាឡេស៊ី និងប្រ៊ុយណេ ២៤ ភាគរយ, ហ្វីលីពីន ១៧ ភាគរយ និងសិង្ហបុរី តិចជាងគេ ១០ ភាគរយ។ យ៉ាងណាមិញ លោក ត្រាំ បានពន្យារពេលអនុវត្តវា ៩០ ថ្ងៃ រហូតដល់ដើមខែកក្កដា ដើម្បីបើកការចរចា។

ប្រធាន និងជានាយកប្រតិបត្តិរបស់ SCG លោក Thammasak Sehaudom បាននិយាយយ៉ាងដូច្នេះថា៖ «យើងមានការព្រួយបារម្ភថា សេដ្ឋកិច្ចរបស់អាស៊ីអាគ្នេយ៍នឹងធ្លាក់ចុះ ប្រសិនបើការយកពន្ធគយបដិការ ត្រូវបានអនុវត្ត។ វានឹងប៉ះពាល់ដល់អាជីវកម្មរបស់ SCG នៅក្នុងតំបន់»។

SCG មានអាជីវកម្មក្នុងប្រទេសថៃ កម្ពុជា វៀតណាម ឥណ្ឌូណេស៊ី និងហ្វីលីពីន។

*នាយកប្រតិបត្តិរបស់ក្រុមហ៊ុន SCG លោក Thammasak Sehaudom*

ជាមួយគ្នានោះ លោក Thammasak មានការព្រួយបារម្ភថា គោលនយោបាយពន្ធរបស់លោក ត្រាំ នឹងធ្វើឱ្យចិននាំចេញផលិតផលកាន់តែច្រើនទៅកាន់តំបន់អាស៊ីអាគ្នេយ៍ ដោយធ្វើឱ្យការប្រកួតប្រជែងកាន់តែខ្លាំងក្នុងទីផ្សារអាស៊ានសម្រាប់ក្រុមហ៊ុនថៃ។

SCG Chemicals (SCGC) ដែលជាក្រុមហ៊ុនគីមីឥន្ធនៈរបស់ SCG រំពឹងថា ឧស្សាហកម្មគីមីឥន្ធនៈពិភពលោកដែលកំពុងប្រឈមមុខនឹងបញ្ហាផ្គត់ផ្គង់ មានភាពប្រសើរឡើង ប្រសិនបើគ្មានផលិតផលថ្មីពីប្រទេសចិន។

គួរគូសបញ្ជាក់ថា នៅឆ្នាំនេះ SCG បានបញ្ចេញទឹកប្រាក់ចំនួន ៣០ ប៊ីលានបាត សម្រាប់គម្រោងវិនិយោគ។ ក្រុមហ៊ុនបានចំណាយ ៦,១ ប៊ីលានបាតរួចហើយពីកញ្ចប់ថវិកា ក្នុងកំឡុងត្រីមាសទី ១ ឆ្នាំនេះ។ ក្រុមហ៊ុនរំពឹងថា ប្រាក់ចំណូលរបស់ខ្លួននឹងកើនឡើង ៥ ភាគរយ នៅឆ្នាំនេះ ពី ៥១១ ប៊ីលានបាត កាលពីឆ្នាំ ២០២៤។

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា