ព័ត៌មានអន្ដរជាតិ
អាមេរិកចង់ឱ្យវៀតណាម បន្ថយការប្រើបច្ចេកវិទ្យាចិនក្នុងផលិតកម្មខ្លួន
ជាផ្នែកមួយនៃការចរចាពន្ធគយបដិការ សហរដ្ឋអាមេរិកកំពុងជំរុញវៀតណាមឱ្យកាត់បន្ថយការប្រើប្រាស់បច្ចេកវិទ្យាចិននៅក្នុងឧបករណ៍ដែលប្រមូលផ្តុំនៅវៀតណាម សម្រាប់ការនាំចេញទៅអាមេរិក។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ ដែលស្រង់សម្ដីប្រភព ៣ រូប ជាអនាមិក។
ប្រភពមួយរូបក្នុងនោះ បានលើកឡើងថា ការទាមទាររបស់សហរដ្ឋអាមេរិក គឺជា «ផ្នែកមួយនៃការរៀបចំឡើងវិញនូវខ្សែច្រវ៉ាក់ផ្គត់ផ្គង់ ដែលនឹងជួយសហរដ្ឋអាមេរិកបន្ថយការពឹងផ្អែកលើសមាសធាតុពីចិន»។
ប្រភពមួយរូបទៀត បានលើកឡើងថា គោលបំណងចុងក្រោយនោះ គឺដើម្បីពន្លឿនការកាត់ផ្តាច់របស់សហរដ្ឋអាមេរិកពីបច្ចេកវិទ្យាទំនើបចិន ខណៈបង្កើនសមត្ថភាពឧស្សាហកម្មរបស់វៀតណាម ដោយលើកឡើងពីឧបករណ៍ VR (Virtual Reality) ថាជាផលិតផងដែលវៀតណាមពឹងផ្អែកខ្លាំងលើបច្ចេកវិទ្យាពីចិនសម្រាប់ការដំឡើង។
គួរគូសបញ្ជាក់ថា វៀតណាមគឺជាមជ្ឈមណ្ឌលផលិតកម្មដ៏ធំរបស់ក្រុមហ៊ុនបច្ចេកវិទ្យាយក្សៗដូចជា Apple និង Samsung ដែលជារឿយៗពឹងផ្អែកលើសមាសធាតុផលិតនៅចិន។ Meta និង Google ក៏មានអ្នកម៉ៅការនៅវៀតណាមផងដែរ ដែលផលិតទំនិញដូចជាកាសស្តាប់ត្រចៀក និងស្មាតហ្វូន។ ប្រទេសដែលមានអតិរេកពាណិជ្ជកម្ម ១២៣,៥ ប៊ីលានដុល្លារជាមួយអាមេរិកកាលពីឆ្នាំមុន កំពុងរងនូវហានិភ័យពន្ធគយបដិការ ៤៩ ភាគរយ ពីសហរដ្ឋអាមេរិក៕
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន