សេដ្ឋកិច្ច

យន្តហោះជាច្រើន ចុះចតបន្តកន្ទុយគ្នា នៅអាកាសយានដ្ឋានអន្តរជាតិតេជោ

បានផុស

១០ ខែ មុន

នៅ

ថ្ងៃព្រហស្បតិ៍ ១៨ កញ្ញា ២០២៥

ដោយ

មន្ត្រីអាកាសយានដ្ឋានអន្តរជាតិតេជោ បានបង្ហើបឱ្យដឹងថា អាកាសយានដ្ឋាអន្តរជាតិតេជោ មានភាពមាញឹកច្រើន នៅពេល្ងាច ដោយមានយន្តហោះចុះចតបន្តកន្ទុយគ្នានៅល្ងាចថ្ងៃទី ១៧ ខែកញ្ញា ឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជើងហោះហើរក្នុងតំបន់ មកពីប្រទេសផ្សេងៗចុះចតនៅអាកាសយានដ្ឋានអន្តរជាតិតេជោ នៅល្ងាចថ្ងៃទី ១៧ ខែកញ្ញា ឆ្នាំ ២០២៥ ដោយចុះចតចន្លោះប្រមាណ ២០ នាទី មានយន្តហោះចុះមួយ ឬអាចក្រោមនេះ។

អាកាសយានដ្ឋានបានបើកដំណើរការនៅថ្ងៃទី ០៩ ខែកញ្ញា ឆ្នាំ ២០២៥ ហើយមានអ្នកដំណើរចេញ-ចូលប្រមាណ ១ ម៉ឺន ៥ ពាន់នាក់ ក្នុងមួយថ្ងៃ និងជើងហោះហើរប្រមាណ ១៣០ (ទ្វេទិស) ជើង ក្នុងមួយថ្ងៃ។

អាកាសយានដ្ឋានអន្តរជាតិតេជោ ជាព្រលានយន្តហោះថ្មីសន្លាងរបស់កម្ពុជា មានទំហំដី ២៦០០ហិកតា លំដាប់ថ្នាក់ 4F។

អាកាសយានដ្ឋានអន្តរជាតិតេជោ សាងសង់ឡើងក្រោមទឹកប្រាក់វិនិយោគជាង ២,១៥ ប៊ីលាន ដុល្លារ (២១៥០លានដុល្លារ) ជាគម្រោងចម្រុះរដ្ឋ និងឯកជន ដោយទុនវិនិយោគនេះជារបស់ជនជាតិខ្មែរ ១០០%។

អាកាសយានដ្ឋានអន្តរជាតិតេជោ រចនា និងសាងសង់ឡើងដោយក្រុមហ៊ុនល្បីៗពហុជាតិ ដែលក្នុងនោះរួមមាន ស្ថានីយអ្នកដំណើរគូសប្លង់ស្ថាបត្យកម្មដោយស្ថាបត្យករជនជាតិអង់គ្លេស និងគ្រប់គ្រងការសាងសង់ជារួមដោយក្រុមហ៊ុន OCIC។

អាកាសយានដ្ឋានអន្តរជាតិតេជោ ចាប់ផ្តើមឡើងក្នុងដំណាក់កាលទី១ ជាមួយសមត្ថភាពទទួលអ្នកដំណើរបានរហូតដល់ ១៥ លាននាក់ក្នុងមួយឆ្នាំ និងមានគម្រោងពង្រីកបន្ថែមដើម្បីទទួលអ្នកដំណើរបាន ៣០លាននាក់ក្នុងឆ្នាំ ២០៣០ និងអ្នកដំណើរ ៥០ លាននាក់នៅឆ្នាំ២០៥០៕