ព័ត៌មានអន្ដរជាតិ
វៀតណាមសម្លឹងកិច្ចព្រមព្រៀងពាណិជ្ជកម្មផ្សេងៗ ដើម្បីប៉ះប៉ូវផលប៉ះពាល់ពន្ធ
នាយករដ្ឋមន្ត្រីវៀតណាម លោក ផាម មិញ ឈិញ បាននិយាយថា វៀតណាមកំពុងបន្តធ្វើការលើកិច្ចព្រមព្រៀងពាណិជ្ជកម្មថ្មីៗនៅឆ្នាំនេះ ដើម្បីកាត់បន្ថយផលប៉ះពាល់នៃពន្ធខ្ពស់របស់សហរដ្ឋអាមេរិក ដែលជាទីផ្សារនាំចេញសំខាន់របស់ប្រទេសខ្លួន។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ការលើកឡើងយ៉ាងដូច្នេះធ្វើឡើងតែប៉ុន្មានថ្ងៃប៉ុណ្ណេះ ក្រោយកម្មវិធីអភិវឌ្ឍន៍អង្គការសហប្រជាជាតិ (GDP) បានប៉ាន់ប្រមាណថា ពន្ធ ២០ ភាគរយ របស់សហរដ្ឋអាមេរិក អាចនឹងធ្វើឱ្យវៀតណាម ២៥ ប៊ីលានដុល្លារ ឬជិត ១/៥ នៃការនាំចេញទៅអាមេរិករបស់ខ្លួន (ប្រមាណ ១៣៦,៥ ប៊ីលានដុល្លារ កាលពីឆ្នាំមុន ) ដែលធ្វើឱ្យវៀតណាមក្លាយជាប្រទេសរងគ្រោះដោយពន្ធធំជាងគេបំផុតនៅអាស៊ីអាគ្នេយ៍។
លោក ឈិញ បាននិយាយក្នុងសេចក្តីថ្លែងការណ៍លើគេហទំព័ររបស់រដ្ឋាភិបាលកាលពីថ្ងៃពុធថា ការនាំចេញ «នឹងប្រឈមមុខនឹងការលំបាក និងបញ្ហាប្រឈមផ្សេងៗ ដោយសារតែការប្រកួតប្រជែងជាយុទ្ធសាស្រ្ត ជម្លោះ និងគោលនយោបាយពន្ធគយ» របស់សហរដ្ឋអាមេរិក។
លោករំពឹងថា ការនាំចេញនឹងកើនឡើងជាង ១២ ភាគរយ នៅឆ្នាំនេះ។ យោងតាមទិន្នន័យរបស់រដ្ឋាភិបាលវៀតណាម ការនាំចេញរបស់វៀតណាមពីដើមឆ្នាំដល់ថ្ងៃទី ១៥ ខែកញ្ញា បានកើនឡើង ១៥,៨ ភាគរយ ធៀបនឹងរយៈពេលដូចគ្នាកាលពីឆ្នាំមុន ដល់ ៣២៥,៣ ប៊ីលានដុល្លារ។
លោក ឈិញ បានបន្តថា ដើម្បីប៉ះប៉ូវផលប៉ះពាល់នៃពន្ធរបស់អាមេរិក វៀតណាមគ្រោះចុះហត្ថលេខាលើកិច្ចព្រមព្រៀងពាណិជ្ជកម្មសេរីជាមួយប្លុកពាណិជ្ជកម្ម Mercosur នៅអាមេរិកឡាទីន និងបណ្តាប្រទេសក្រុមប្រឹក្សាសហប្រតិបត្តិការឈូងសមុទ្រពែរក្ស នៅចុងឆ្នាំនេះ។
នាយករដ្ឋមន្រ្តីដដែលក៏បានរំឭកឡើងវិញថា វៀតណាមនឹងបន្តការចរចាពាណិជ្ជកម្មជាមួយសហរដ្ឋអាមេរិក ក្រោយប្រធានាធិបតី លោក ដូណាល់ ត្រាំ ដាក់ពន្ធ ២០ ភាគរយ លើទំនិញវៀតណាម និង ៤០ ភាគរយ លើទំនិញឆ្លងកាត់វៀតណាម។
លោក ឈិញ ក៏បានប្រាប់មន្ត្រីរបស់ខ្លួនផងដែរ ឱ្យបន្តការបង្រ្កាបលើទំនិញនាំចូលដែលអាចបំពានលើ «ការរក្សាសិទ្ធិ»អន្តរជាតិ ដែលជាកង្វល់មួយដ៏ធំសម្រាប់អាមេរិក ក្នុងទំនាក់ទំនងជាមួយវៀតណាម៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម