កូវីដ-១៩

ប្រុងប្រយ័ត្ន! រោគសញ្ញាកូវីដមួយចំនួនទៀតដែលមិនបញ្ចេញឲ្យយើងដឹង ខណៈកំពុងផ្ទុកវាក្នុងខ្លួន

បានផុស

៥ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

វីរុស SARS COV-2 អាចមានរោគសញ្ញាខុសៗគ្នា ពីមនុស្សម្នាក់ទៅម្នាក់ អាស្រ័យលើរាងកាយ ហើយជាទូទៅអ្នកជំងឺខ្លះមិនបញ្ចេញរោគសញ្ញាឬបញ្ចេញតិចតួច សឹងមើលមិនដឹងថាខ្លួនបានឆ្លងកូវីដ។ វេជ្ជបណ្ឌិត Fauci បានសង្កត់ធ្ងន់ថា កូវីដមិនមែនជាជំងឺដែលមើលមិនឃើញនោះទេ ទោះមនុស្សខ្លះបញ្ចេញរោគសញ្ញាយូរឬឆាប់ តែយើងក៏ត្រូវសំគាល់មើលដោយខ្លួនឯង ជៀសវាងច្រឡំថាជារោគសញ្ញាធម្មតានៃជំងឺផ្សេងទៀត ។

១ រោគសញ្ញាធម្មតាឬទូទៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Fauci បានបង្ហាញថា “ អាការរោគនេះគឺមានលក្ខណៈធម្មតា សឹងថាគ្មានរោគសញ្ញាផង ខ្លះមានលក្ខណៈដូចគ្នាក្នុងចំណោមអ្នកជំងឺឬជាការជាទូទៅ ” ។

២ អស់កម្លាំង

រោគសញ្ញាដំបូងបង្អស់នៃកូវីដគឺហត់នឿយ ខ្លះធ្វើឲ្យចុះខ្សោយនៃរាងកាយជាខ្លាំង។ រោគសញ្ញានេះអាចថាស្រួលចំណាំ តែមិនមែនមានន័យថាយើងច្រឡំទៅជារោគផ្សេងដែរ។

៣ ឈឺសាច់ដុំខ្លាំងមិនធ្លាប់ជួប

ការឈឺសាច់ដុំគឺជារោគសញ្ញាមួយក្នុងចំណោមរោគសញ្ញាកូវីដ ហើយវាអាចឈឺបន្តរហូតអស់ពេលជាច្រើនខែ តាមរាងកាយរបស់មនុស្ស។ ជាទូទៅបើវាឈឺអូសបន្លាយពេលយូរ នោះអាចឈានដល់ធ្ងន់ធ្ងរក៏មាន។

៤ សីតុណ្ហភាពក្នុងរាងកាយប្រែប្រួលឥតឈប់

ភាគច្រើនមនុស្សដែលមានជំងឺកូវីដ ច្រើនតែប្រែប្រួលសីតុណ្ហភាពក្នុងខ្លួនឥតឈប់ឈរ។ ពួកគេទាំងនោះជួនក្ដៅជួនត្រជាក់ មិនទៀងទាត់ឡើយ។

៥ Dysautonomia

វេជ្ជបណ្ឌិត Fauci បានពន្យល់ថា dysautonomia ជាជំងឺនៃប្រព័ន្ធសរសៃប្រសាទស្វយ័ត ដែលជាមុខងារប្រព័ន្ធប្រសាទ (ANS) គឺទាក់ទងទៅនឹងការថយចុះសីតុណ្ហភាព។ វាក៏អាចប៉ះពាល់ដល់មុខងាររបស់បេះដូង ប្លោកនោម ពោះវៀន ក្រពេញញើស សរសៃភ្នែក និងសរសៃឈាម។

៦ Tachycardia

Tachycardia គឺជាអាការនៃចង្វាក់បេះដូងលោតលឿន មិនអាចពន្យល់បាន។ ជាទូទៅអ្នកជំងឺតែងយល់ច្រឡំជាជំងឺប្រចាំកាយទៅវិញ។

៧ Brain Fog

Brain Fog ជាអាការអសមត្ថភាពក្នុងការផ្ដោតអារម្មណ៍រយៈពេលវែង សឹងថាមនុស្សមួយចំនួនធំយល់ថាជាជំងឺពេលវ័យកាន់ចាស់ទៅវិញ ។ កុំបន្តយល់ច្រលំ សូមប្រញាប់ជួបពិភាក្សាបន្ទាន់ជាមួយគ្រូពេទ្យជំនាញពីអាការមួយនេះ។

៨ រោគសញ្ញាទូទៅនៃប្រព័ន្ធសរសៃប្រសាទ

យោងតាមការសិក្សាថ្មីៗនេះដែលបានចុះផ្សាយនៅក្នុង Annals of Clinical និង Translational Neurology ជំងឺទូទៅនៃប្រព័ន្ធសរសៃប្រសាទរួមមាន អសមត្ថភាពនៃការចងចាំ (៨១%) ឈឺក្បាល (៦៨%) ស្ពឹក ឬ រមួល (៦០%) អណ្ដាតឡើងច្រាំង (៥៩%) បាត់បង់ក្លិន ( ៥៥%) និង ឈឺចាប់ពេញរាងកាយ (៥៥%) ៕

ប្រែសម្រួល៖ សាង ស្រីល័ក្ខ

ប្រភព៖eatthis

ចុចអាន៖អ្នកជាសះស្បើយពីកូវីដ នឹងសល់រោគសញ្ញាអាក្រក់មួយនេះនៅយូរអង្វែង

ចុចអាន៖អ្នកជំនាញបញ្ជាក់ច្បាស់ៗពីភាពខុសគ្នានៃរោគសញ្ញាស្រាល និងធ្ងន់ធ្ងរ របស់អ្នកជំងឺកូវីដ គ្រប់គ្នាគួរដឹង