លោក វង សូត ជំរុញមន្ត្រីគ្រប់ថ្នាក់មូលដ្ឋានបន្តសហការជាមួយអាជ្ញាធរ ក្រុមគ្រូពេទ្យដើម្បីបម្រើសេវាល្អជូនអ្នកធ្វើចត្តាឡីស័ក

លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ជាប្រធានក្រុមការងារថ្នាក់ជាតិ ចុះពង្រឹងមូលដ្ឋានស្រុកពញាក្រែក ខេត្តត្បូងឃ្មុំ និងឃុំជាច ស្រុកកំចាយមារ ខេត្តព្រៃវែង បានថ្លែងនូវការផ្តាំផ្ញើជំរុញដល់មន្ត្រីគ្រប់ថ្នាក់មូលដ្ឋាន សហការជាមួយអាជ្ញាធរ និងក្រុមគ្រូពេទ្យដើម្បីបម្រើសេវាឲ្យកាន់តែល្អជូនបងប្អូនប្រជាពលរដ្ឋដែលត្រូវធ្វើចត្តាឡីស័ក ស្ថិតដល់ទីតាំងមណ្ឌលចត្តាឡីស័កតាមមូលដ្ឋានរបស់ខ្លួន ព្រមទាំងទទួលនូវការស្នើរសុំរបស់ពួកគាត់ ខណៈជួបការលំបាកដែលបណ្តាលមកពីជំងឺរាតត្បាតដ៏កាចសាហាវកូវីដ១៩នេះតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្ត្រី វង សូត បានថ្លែងបែបនេះ ខណៈអញ្ជើញចូលរួមក្នុងកិច្ចប្រជុំនាព្រឹកថ្ងៃទី១៩ ខែឧសភា ឆ្នាំ២០២១ អំពីការផ្សព្វផ្សាយសេចក្តីសម្រេច ស្តីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ខាងមុខនេះ។

លោករដ្ឋមន្ត្រី វង សូត បានថ្លែងថា ជាការពិតណាស់ ក្រោមការដឹកនាំប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី បានដឹកនាំប្រទេសមានសុខសន្តិភាព និងបានដាក់ចេញនូវវិធានការជាច្រើន ក្នុងន័យពង្រឹង និងធ្វើឲ្យប្រសើរឡើងនូវ ភូមិ ឃុំ មានសុវត្ថិភាព ក៏ដូចជា គោលនយោបាយគាំពារសង្គមផ្សេងៗ ដើម្បីធ្វើឲ្យជីវភាពរស់នៅរបស់ប្រជាពលរដ្ឋក្រីក្រនិងជនងាយរងគ្រោះឲ្យកាន់តែប្រសើរឡើង ជាពិសេស ការដាក់ឲ្យអនុវត្តនូវការផ្តល់សាច់ប្រាក់ជូនដល់ប្រជាពលរដ្ឋ ក្រ១ និង ក្រ២ ខណៈមេរោគកូវីដ១៩ បាននឹងកំពុងរាត្បាតនៅលើពិភពលោកដោយមានអ្នកឆ្លងរាប់រយលាននាក់និងស្លាប់ជាងមួយលាននាក់ទៅហើយនោះ។ ចំណែកសំណង់អាគារនេះគឺជាមណ្ឌលសុខភាពដែលកសាងឡើងដើម្បីបំរើសេវាសុខភាពជូនពលរដ្ឋនិងកាសម្រាកព្យាបាល ជម្ងឺផ្សេងៗ។

ដូច្នេះមន្ត្រីពាក់ព័ន្ធគ្រប់លំដាប់ថ្នាក់ត្រូវតែបន្តចុះតាមដានដល់មូលដ្ឋានផ្ទាល់ជួយសង្គ្រោះបន្ទាន់ចំពោះពលរដ្ឋដែលទីទាល់ក្រ ជនងាយរងគ្រោះដើម្បីផ្ដល់ជំនួយរបស់រាជរដ្ឋាភិបាលក៍ដូចជំនួយសប្បុរសធម៏ជូនដល់ពួកគាត់ភ្លាមៗពីព្រោះរាជរដ្ឋាភិបាលមិនទុកឲ្យពលរដ្ឋណាម្នាក់ស្លាប់ដោយអត់បាយឡើយហើយបន្តសហការជាមួយក្រុមគ្រូពេទ្យនៅមណ្ឌលដែលធ្វើចត្តាឡីស័កដើម្បីបំរើសេវាជូនពួកគាតដែលបានមកអ្នកធ្បើចត្តាឡីស័កតែមដង៕

អត្ថបទ ៖ វិមាន