កូវីដ-១៩

ខេត្តប៉ៃលិនត្រៀមទីតាំងបូជាសពសម្រាប់អ្នកស្លាប់ដោយជំងឺកូវីដ-១៩រួចរាល់ហើយ

បានផុស

៥ years មុន

នៅ

ថ្ងៃអង្គារ ១ មិថុនា ២០២១

ដោយ

រដ្ឋបាលខេត្តប៉ៃលិន បានត្រៀមទីតាំងកន្លែងបូជាបូជាសពអ្នកដែលស្លាប់ដោយសារជំងឺកូវីដ-១៩រួចរាល់ហើយ ដែលស្ថិតនៅភូមិថ្នល់កែង ឃុំអូរអណ្តូង ស្រុកសាលាក្រៅ ខេត្តប៉ៃលិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី បាន ស្រីមុំ អភិបាលខេត្តប៉ៃលិនបានមានប្រសាសន៍ក្នុងឱកាសចុះពិនិត្យមើលទីតាំងបូជាសព និងមណ្ឌលធ្វើចត្តាឡីស័កកាលពីរសៀលថ្ងៃទី៣១ ខែឧសភា ឱ្យដឹងថា ក្រោយពីទទួលបានបទបញ្ជារបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រដ្ឋបាលខេត្ត និងជំនាញពាក់ព័ន្ធបានចុះពិនិត្យមើលជាក់ស្តែង និងសម្រេចជ្រើសរើសទីតាំងត្រៀមសម្រាប់រៀបចំធ្វើជាកន្លែងបច្ឆាបូជាសពរួចរាល់ ដោយគិតគូរពីសុវត្ថិភាព និងមិនប៉ះពាល់ដល់ប្រជាពលរដ្ឋ។

លោកស្រីបានបន្តថា ទីតាំងបច្ឆាសម្រាប់បូជាសពអ្នកដែលស្លាប់ដោយសារជំងឺកូវីដ-១៩នោះ គឺស្ថិតនៅភូមិថ្នល់កែង ឃុំអូរអណ្តូង ស្រុកសាលាក្រៅ ខេត្តប៉ៃលិន។

លោកស្រីបានបន្តទៀតថា ចំណែកមណ្ឌលចត្តាឡីស័ក ក៏មានទីតាំងនៅភូមិថ្នល់កែង ឃុំអូរអណ្តូង ស្រុកសាលាក្រៅ ខេត្តប៉ៃលិនផងដែរ។

លោកស្រីអភិបាលខេត្ត បានលើកឡើងថា រដ្ឋបាលខេត្តប៉ៃលិន បានរៀបចំមណ្ឌលចត្តាឡីស័កជាច្រើនកន្លែងសម្រាប់បងប្អូនប្រជាពលរដ្ឋដែលប៉ះពាល់ផ្ទាល់ជាមួយអ្នកជំងឺកូវីដ-១៩ និងបងប្អូនដែលទើបវិលត្រលប់មកពីតំបន់ប្រឈមនានា តាមបណ្តារាជធានី/ខេត្ត ក្នុងករណីសង្ស័យបន្ទាប់ពីក្រុមគ្រូពេទ្យជំនាញពិនិត្យសុខភាព ជាពិសេសបងប្អូនពលករដែលបានវិលត្រឡប់មកពីក្រៅប្រទេស ព្រមទាំងបានរៀបចំក្រុមការងារដែលមានការចូលរួមពីបណ្តាមន្ទីរ អង្គភាព ស្ថាប័នជុំវិញខេត្ត និងក្រុមយុវជន ស ស យ ក ធ្វើការចម្អិនម្ហូបអាហារ សម្រាប់បងប្អូនកំពុងធ្វើចត្តាឡីស័កចំនួន ៣ពេលប្រចាំថ្ងៃផងដែរ។

គួរបញ្ជាក់ថា ចាប់ពីថ្ងៃទី៨ ខែឧសភា រហូតមកដល់ថ្ងៃទី៣១ ខែឧសភា ឆ្នាំ២០២១ ខេត្តប៉ៃលិន មានអ្នកឆ្លងជំងឺកូវីដ១៩ ចំនួន៥០នាក់ ក្នុងនោះមានអ្នកជាសះស្បើយចំនួន៨នាក់៕

អត្ថបទ ៖ សំអឿន

Related Topics:រដ្ឋបាលខេត្តប៉ៃលិន