ទេព បូព្រឹក្ស ប្រកាសត្រៀមរៀបចំព្រឹត្តិការណ៍វប្បធម៌ដ៏ធំនិងការសម្តែងផ្ទាំងទស្សនីយភាពច្រើនទម្រង់

តារាចម្រៀងអ្នកនាងទេព បូព្រឹក្ស ថ្មីៗនេះ បានប្រកាសនូវគម្រោងនៃការត្រៀមរៀបចំព្រឹត្តិការណ៍វប្បធម៌ដ៏ធំរួមជាមួយការសម្តែងផ្ទាំងទស្សនីយភាពជាច្រើនទម្រង់ ដើម្បីចូលរួមផ្សព្វផ្សាយវប្បធម៌ជាតិ។

ប្រាកដណាស់តារាចម្រៀង ទេព បូព្រឹក្ស កន្លងទៅតែងបង្ហាញពីសកម្មភាពចូលរួមជួយផ្សព្វផ្សាយលើកស្ទួ យពីវប្បធម៌ អរិយធម៌ខ្មែរតាមរយៈស្នាដៃ MV បទចម្រៀងដែលនាងនុងស្វាមីតែងតែចាប់គ្នាជាបន្តបន្ទាប់។ សកម្មភាពនេះ គឺទទួលបានការគាំទ្រ និងស្ងើចសរសើរច្រើនពីមហាជនអ្នកគាំទ្រ។

រឿងដែលកាន់តែចាប់អារម្មណ៍ថែមទៀតមុននេះតារា ចម្រៀងទេព បូព្រឹក្សបានប្រកាសដំណឹងថានៅពេល ឆាប់ៗខាងមុននេះខ្លួន នឹងរៀបចំព្រឹត្តិការណ៍វប្បធម៌ដ៏ធំព្រមជាមួយការសម្តែងផ្ទាំងទស្សនីយភាពច្រើនទ ម្រង់ជាថ្មីដើម្បីលើកស្ទួយ សិល្ប: វប្បធម៌ អរិយធម៌របស់ខ្មែរ។

ទេព បូព្រឹក្ស បានបញ្ជាក់ថា”កូនខ្មែរទាំងអស់គ្នាជួយ shareប្រាប់គ្នាផងណាអ្នកទាំងអស់គ្នានៅចាំកាលពី ឆ្នាំមុនដែលនាងខ្ញុំបង្កើត ព្រឹត្តការណ៍ដ៏ធំមួយដែរទេ ការសម្តែងផ្ទាំងទស្សនីយភាពដ៏ ធំមួយនៅសាលមហោស្របកោះពេជ្រ ពេលនេះនឹងវិលមកជួបបងប្អូនម្តងទៀតក្នុងពេលឆាប់ៗនេះសង្ឃឹមថាកូនខ្មែរគ្រប់រូបចូលរួមទាំងអស់គ្នាឲ្យខ្លាំងជាងលើកមុនទៀត”។

គួរម្លឹកថាកាលពីអំឡុងដើមឆ្នាំ២០២៤ កន្លងទៅតារាចម្រៀងអ្នកនាង ទេព បូព្រឹក្ស ធ្លាប់រៀបចំកម្មពិធីសម្ពោធ MVចម្រៀងបទ”ទេវរាជ”ដែលមានការៀបចំសម្ដែងនូវផ្ទាំងទស្សនីយភាពវប្បធម៌ខ្មែរជាច្រើនទម្រង់ ខណ:អ្នកចូលទស្សនាផ្ទាល់សុទ្ធសឹងតែបង្ហាញខ្លួនក្នុ ងឈុតសម្លៀកបំពាក់ប្រពៃណីនិងបុរាណខ្មែរផងដែរ ៕ ចាន់រ៉ា