បាត់មុខ ៤ឆ្នាំ ក្រុម T-ARA វិលវិញដោយនិពន្ធទំនុកច្រៀងខ្លួនឯង​ និងចាយលុយផ្ទាល់ខ្លួនផលិត MV

ក្រុម​ចម្រៀង​ស្រី​ជើង​ចាស់ T-ARA ថ្មី​ៗ​នេះ​បាន​វិល​មកវិញជាមួយនឹង MV បទថ្មី​ ​បន្ទាប់​ពី​បាត់​មុខ​អស់​រយៈ​ពេល ៤ឆ្នាំ ស្របពេលអ្នកគាំទ្ររបស់ពួកគេបង្ហាញការភ្ញាក់ផ្អើល និងក្ដីរំភើបផងដែរនូវវត្តមាននេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយ​នឹង​ការ​វិល​វិញ​របស់​ពួក​គេ​ក្នុងបទ “TIKI TAKA” ក្រុម​ចម្រៀង​ស្រីកូរ៉េខាងត្បូងមួយនេះ ​បាន​ធ្វើ​ឱ្យ​សាធារណជន​មាន​ការ​ភ្ញាក់​ផ្អើលជាខ្លាំង​នូវទស្សនីយភាព និង​សំឡេង​មិន​ប្រែប្រួល​របស់​ពួក​គេ។

អាល់ប៊ុមក្រោមចំណងជើង Re: T-ARA មានចម្រៀងពីរបទគឺ “TIKI TAKA” និង “All Kill” ដែលបទទាំងពីរនេះ ត្រូវបានក្រុម T-ARA សម្រិតសម្រាំងយ៉ាងពិសេសសម្រាប់ហ្វេនដ៏យូររបស់ពួកគេ ដែលតែងតែនៅចាំគាំទ្រអស់ពេល ១៣ឆ្នាំមកនេះ។

ទោះយ៉ាងណា ការចេញផ្សាយអាល់ប៊ុមថ្មី តារាស្រីទាំង៤ នៃក្រុម T-ARA ពុំមានការជ្រោមជ្រែងពីផលិតកម្មណាមួយនោះឡើយ។ យោងតាមការបង្ហោះសារលើ Twitter របស់ Jiyeon សមាជិកម្នាក់នៃក្រុម T-ARA ​បានឱ្យដឹងថា ពួកគេទាំង៤ រួមគ្នាផ្គត់ផ្គង់ទុនសម្រាប់ផលិតវីដេអូដោយខ្លួនឯង។ មិនតែប៉ុណ្ណោះ សូម្បីការនិពន្ធទំនុកច្រៀង ព្រមទាំងការឌីស្សាញផ្សេងទៀត សុទ្ធតែធ្វើដោយខ្លួនឯងទាំងអស់៕

ទស្សនាវីដេអូចម្រៀង

ប្រែសម្រួល៖ សន្យា

ចុចអាន៖ Lisa ក្រុម Blackpink ឈ្នះពានរង្វាន់ “Queen of ​KPop” ក្នុងកម្មវិធី Global Nubia Awards ២០២១

ចុចអាន៖ ហួសចិត្ត! ហ្វេនៗ Selena និង Chris ថា អ្នកទាំងពីរប្ដូរខោអាវគ្នាប្រើ