ជីវិតកម្សាន្ដ

លោក សាវិន ហ្វីលីព ប្រកាសសុំម្នាក់១ដុល្លារដើម្បីជួយដល់តាៗស៊ីក្លូ

បានផុស

២ years មុន

នៅ

ថ្ងៃពុធ ២២ ធ្នូ ២០២១

ដោយ

ភ្នំពេញ ៖ ដើម្បីចែករំលែកក្តីស្រលាញ់និងផ្តល់នូវស្នា មញញឹមចំពោះក្រុមតាៗអ្នកប្រកបរបររត់ស៊ីក្លូតារាសម្តែងល្បីឈ្មោះលោក សាវិន ហ្វីលីព បានចេញ មុខប្រកូកប្រកាសសុំសប្បុរសជនម្នាក់១ដុល្លារសម្រាប់យកទៅជួយដល់ពួកគាត់ឆាប់ៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្តែងលោក សាវិន ហ្វីលីព បានប្រកាសជាសាធារណៈដូច្នេះថាChallenges Game !សូមបងប្អូនជួយបរិច្ចាគម្នាក់១ដុល្លាផងដោយសារកូនប្រុសខ្ញុំឈ្មោះ វីរ៉ាយុត្ត និងមិត្តរួមថ្នាក់៨នាក់នៅសាកលវិទ្យាល័យ ផារ៉ាហ្គន( អតីត ZAMAN)កំពុងធ្វើគំរោងមនុស្សធម៌មួយជួយដល់តាស៊ីក្លូនៅខែមករាឆ្នាំ២០២២ខាងមុខនេះ។

លោក សាវិន ហ្វីលីព បានបញ្ជាក់ឲ្យដឹងដែរថាខ្ញុំក៏ បានបរិច្ចាគថវិកាបន្តិចបន្តិចគឺចំនួន១០០ដុល្លាររួចហើយដើម្បីជួយដល់លោកតាស៊ីក្លូ ដែលកំពុងខ្វះខាត និងដើម្បីអបអរសាទរខួបអាពាហ៍ពិពាហ៍ ២១ឆ្នាំរបស់ខ្ញុំនៅថ្ងៃទី២៦ខែធ្នូឆ្នាំ ២០២១ ខាង មុខនេះផងដែរ។ លោកថា បងប្អូនក៏អាចចូលរួមបរិច្ចាគត្រឹមម្នាក់តែមួយដុល្លា ដើម្បីជួយអ្នកស៊ីក្លូបានដែរតាមរយៈABA : 003 460 296 Bou Bunk heng។

ជាមួយគ្នានៃការអំពាវនាវរបស់លោក សាវិន ហ្វីលីព ខាងលើនេះដែរគេឃើញមានមហាជននិងអ្នកសិល្បៈមួយចំនួនធំបានបង្ហាញនូវការគាំទ្រនិងសរសើរលើគម្រោងនៃកម្មវិធីសប្បុរសធម៌នេះខណៈមានខ្លះទៀតក៏បានចូលរួមថវិកាជាមួយលោកដើម្បីជួយដល់តាៗស៊ីក្លូរផងដែរ៕

ដោយ ៖ ចាន់រ៉ា