ជីវិតកម្សាន្ដ

តារាជួរមុខកូរ៉េ ២ ដួង ពាក់គ្រឿងអលង្ការក្មេងៗក្នុងកម្មវិធី រហូតធ្វើឲ្យអ្នកគាំទ្រសម្រុកទិញអស់ពីស្តុក

បានផុស

៤ years មុន

នៅ

ថ្ងៃព្រហស្បតិ៍ ២១ មេសា ២០២២

ដោយ

បន្ទាប់ពីលេខមុខតារាកូរ៉េខាងត្បូង ២ ដួង គឺ Han So Hee និង Taeyeon ពាក់គ្រឿងអលង្ការជ័រ និងប្រដាប់ប្រដាក្មេងលេង ដែលមានយីហោ Daiso ជំនួសឲ្យម៉ាកប្រណីតក្នុងកម្មវិធីរួចមក ក៏បានធ្វើឲ្យមនុស្សគ្រប់គ្នា សម្រុកទិញទំនិញនេះ រហូតលក់អស់ពីស្តុកតែម្ដង។

ក្នុងនោះគេឃើញតារាសម្ដែង Han So Hee បានពាក់គ្រឿងប្រដាប់ក្មេងលេង ក្នុងខួបកំណើតរបស់នាង រហូតទទួលបានការចាប់អារម្មណ៍ពីអ្នកគាំទ្រ និងអ្នកនិយមលេងអ៊ីនធឺណិត ។ ខណៈតារាចម្រៀង Taeyeon សមាជិកក្រុម Girls’ Generation ក៏បានពាក់គ្រឿងអលង្ការពណ៌ផ្កាឈូករបស់កុមារពីហាង Daiso នៅក្នុងកម្មវិធីកម្សាន្ត ‘Amazing Saturday Doremi Market’ របស់ប៉ុស្តិ៍ tvN កាលពីថ្ងៃទី ៩ ខែមេសានេះ។

នៅពេលដែលអ្នកទាំងពីរពាក់មិនទាន់បានប៉ុន្មានផង ក៏មានមនុស្សនាំគ្នាសម្រុកគ្នាទៅទិញ រហូតបុគ្គលិកនៅហាង Daiso រាយការណ៍ថា ការលក់ផលិតផលបានកើនឡើងទ្វេដងក្នុងខែវិច្ឆិកា បើធៀបនឹងខែតុលា។ ខណៈពេលដែលផលិតផល Daiso ទាំងនេះមានប្រជាប្រិយភាពតាំងពីខែវិច្ឆិកាឆ្នាំមុន។ មនុស្សជាច្រើនបានថតរូប ជាមួយនឹងការតុបតែងទាំងនេះ ក្នុងថ្ងៃខួបកំណើតរបស់ពួកគេ ហើយបង្ហោះវានៅលើបណ្តាញសង្គម។ ដល់ពេលនេះ មានការបង្ហោះជាង ៥០០ ដែលមាន hashtag “Princess set” រហូតស្តុកគ្រឿងប្រដាប់ក្មេងលេងទាំងនេះ ដែលមានលក់នៅលើគេហទំព័រ Daiso លក់អស់ៗគ្រប់ទីកន្លែងតែម្ដង៕

ប្រែសម្រួល៖ សាង ស្រីល័ក្ខ

ចុចអាន៖មុនល្បីល្បាញក្នុងវិស័យ K-pop អតីតសមាជិក 2ne1 រូបនេះ ធ្លាប់ជាជនអន្តោប្រវេសន៍នៅ ហ្វីលីពីន

ចុចអាន៖មុនល្បីល្បាញនិងមានកេរ្តិ៍ឈ្មោះលើពិភពលោក CL ឆ្លងកាត់ជីវិតលំបាកបែបណាខ្លះ ក្នុងវិស័យ k-pop?