ដោយសារក្ដីស្រឡាញ់ បវរកញ្ញា ប៉ូគឹមថេង សុតធីតា ត្រូវវិស្វករម្នាក់បោកលុយរត់បាត់

ម្ចាស់មកុដMiss Grand Cambodia2021 កញ្ញា ប៉ូគឹមថេង សុតធីតា ទម្លាយរឿងឈឺចាប់បង្កការភ្ញាក់ផ្អើលដល់មហាជន និងអ្នកគាំទ្រ ពិសេសមិត្តភក្តិអ្នកប្រើប្រាស់បណ្តាញសង្គមហ្វេសប៊ុកបន្ទាប់ពីត្រូវបានគេបោកលុយរត់ទៅបាត់ស្រមោល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ឲ្យដឹងពីបវរកញ្ញា ប៉ូគឹមថេង សុតធីតា បានលើកឡើងថា អ្នកដែលបោកលុយរបស់នាង គឺជាវិស្វករដែលខ្លួនជួលឲ្យមករៀបចំដេគ័រលម្អផ្ទះ។ ប៉ុន្តែផ្ទុយទៅវិញជននោះបែរជាប្រើល្បិចបោកលុយដែលនាងខំរកដោយកម្លាំងញើសឈាមទៅបាត់តែម្តង។ យ៉ាងណាមិញនាងមិនបានបញ្ជាក់ប្រាប់ពីទំហំទឹកប្រាក់ដែលត្រូវគេបោកនោះទេ។

ស្រីស្អាត ប៉ូគឹមថេង សុតធីតា បានរៀបរាប់ទាំងក្តីឈឺចិត្តបែបនេះថា «វិស្វករបោកលុយរត់ សុខចិត្តគេងពិបាកចិត្តម្នាក់ឯង ព្រោះស្រឡាញ់សុខចិត្តចំណាយពេលវេលាកម្លាំងកាយកម្លាំងចិត្តធ្វើផ្ទាល់ដៃដើរទិញអីវ៉ាន់ឱ្យជាង ច្នៃដេគ័រ ដេកគិត ដើរគិត ស្រមៃឱ្យចេញស្អាតមួយថ្ងៃៗប្រឡាក់ពេញខ្លួនព្រោះខ្ញុំហួងហែងរបស់ខ្ញុំ» ។

ប៉ូគឹមថេង សុតធីតា បាននិយាយបន្ថែមទៀតថា នាងស្រឡាញ់អ្វីដែលកើតចេញពីកម្លាំងញើសឈាមខ្លួនឯង ចុះហេតុអ្វីបានមកបំផ្លាញរបស់ញើសឈាមនាង បំផ្លាញបានសម្រេចម្ដងហើយចង់មកធ្វើម្ដងទៀត។ នាងថា ខ្លួននាងគឺជាពលរដ្ឋស្របច្បាប់ មិនបានសាងកំហុសអី្វទេហើយនាងក៏មានសិទ្ធិក្នុងការរស់នៅ និងទាមទារយុត្តិធម៌សម្រាប់ខ្លួនដូចគ្នាដែរ៕

អត្ថបទ៖ ចាន់រ៉ា