ជីវិតកម្សាន្ដ

ទម្លាយប្រវត្តិស្នេហ៍តួឯកស្រីរឿង «Gangubai» មុនពេលរៀបការ

បានផុស

៤ years មុន

នៅ

ថ្ងៃព្រហស្បតិ៍ ៧ កក្កដា ២០២២

ដោយ

Sonya

បន្ទាប់ពីប្រកាសដំណឹងមានទាយាទស្នងត្រកូល តារាស្រី Alia Bhatt តួឯកស្រីក្នុងរឿង «Gangubai» បានទម្លាយប្រវត្តិផ្ដើមស្នេហ៍ដំបូងរបស់នាងជាមួយស្វាមី អ្នកគាំទ្រដឹងហើយនាំគ្នាច្រណែនព្រាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយចូលខ្លួនសម្តែងក្នុងខ្សែភាពយន្ត «Gangubai» តារាបូលីវូដ Alia Bhatt ទទួលបានប្រជាប្រិយភាពយ៉ាងខ្លាំងពីសំណាក់អ្នកគាំទ្ររាប់លាននាក់ ដោយជីវិតឯកជន និងប្រវត្តិនានាដែលទាក់ទងនឹងនាង ត្រូវគេចង់ដឹងគ្រប់គ្នា។

ក្នុងនោះគេដឹងថា បច្ចុប្បន្ន Alia Bhatt បានរៀបការរួចហើយជាមួយតារាសម្ដែង Ranbir Kapoor កាលពីពាក់កណ្ដាលខែមេសា ឆ្នាំ២០២២ កន្លងទៅ នៅទីក្រុងមុមបៃ ក្រោយពីទាក់ទងគ្នាជាសង្សារអស់រយៈពេល ៥ឆ្នាំ។

បើក្រឡេកទៅគ្រាផ្ដើមស្នេហ៍ដំបូងរវាងនាង និងស្វាមីវិញ ត្រូវបាន Alia Bhatt ទម្លាយថា ខ្លួនបានជួបស្វាមីនៅពេលចូលរួមប្រកួតចូលសម្ដែងរឿង “Black” ដែលពេលនោះនាងមានអាយុ ១១ឆ្នាំ ហើយស្វាមីនាងមានអាយុ ២១ឆ្នាំ។ ចាប់តាំងពីពេលនោះ Alia Bhatt បានលួច Crush ស្វាមីមករហូត។ លុះមកដល់ ៥ឆ្នាំមុន ពោលគឺកំលុងឆ្នាំ២០១៧ ពួកគេបានជួបគ្នាម្តងទៀតក្នុងរឿង “Brahmastra” ហើយអ្នកទាំងពីរចាប់ផ្តើមទាក់ទងគ្នាជាគូស្នេហ៍ រហូតទាល់តែបានចូលរោងការនៅឆ្នាំនេះតែម្ដង៕