Kim Kardashian ចែកផ្លូវជាមួយមិត្តប្រុស ក្រោយទាក់ទងគ្នា ៩ខែ

តារាបង្ហាញម៉ូដ Kim Kardashian និងតារាកំប្លែង Pete Davidson ​បាន​បែក​គ្នាហើយ ​បន្ទាប់​ពីទាក់ទងគ្នាជាគូស្នេហ៍បាន ៩​ខែ។

ប្រភពពីសារព័ត៌មាន Bang បានចុះផ្សាយថា ​ Kim Kardashian និងគូស្នេហ៍វ័យក្មេងបានប្ដូរពីពាក្យសង្សារមករាប់អានជាមិត្តនឹងគ្នាវិញ ​ដោយសារអ្នកទាំងពីរមិនអាចបំពេញតម្រូវការឱ្យគ្នា​ ជាពិសេសគ្មានពេលវេលាឱ្យគ្នាទៅវិញទៅមក។

គួររំលឹកថា Kim បានដាក់ពាក្យលែងលះអតីតស្វាមី Kanye កាលពីខែកុម្ភៈ ឆ្នាំ២០២១ បន្ទាប់ពីរៀបការបានជាង ៦ឆ្នាំ។ អំឡុងពេលដែលបណ្ដឹងលែងលះ កំពុងស្ថិតនៅនឹងដៃតុលាការនៅឡើយ តារាស្រីរូបនេះ បានជួប​តារា​កំប្លែង Pete Davidson និងបានសាងសម្ព័ន្ធភាពស្នេហា ទាំងមិនទាន់លែងលះអតីតស្វាមីដាច់ស្រេច។ យ៉ាងណាក្ដី កាលពីខែមីនា ដើមឆ្នាំនេះ Kim Kardashian បានឈ្នះក្ដីជាមួយ Kanye និងប្រកាសភាពនៅលីវដោយស្របច្បាប់ ហើយទាក់ទងគ្នាជាមួយ Pete Davidson ដោយបើកចំហ។ យ៉ាងណាមិញពេលនេះ អ្នកទាំងពីរបានប្រកាសចែកផ្លូវគ្នាហើយ៕

ប្រែសម្រួល៖ សន្យា

ចុចអាន៖ Kim Kardashian ហ៊ានញ៉ាំដល់លាមក បើជួយឲ្យក្មេងជាងវ័យពិតមែន