ជីវិតកម្សាន្ដ

Weir Sukolwat ទម្លាយថា ចង់បាត់មុខពីសិល្បៈមួយរយៈ

បានផុស

៣ years មុន

នៅ

ថ្ងៃព្រហស្បតិ៍ ១១ សីហា ២០២២

ដោយ

តួឯកប្រុសក្នុងរឿង “ពេជ្យកាត់ពេជ្យ” បានទម្លាយអារម្មណ៍ពិតថា លោកចង់បាត់មុខពីសិល្បៈមួយរយៈធំ ដោយសារតែហេតុធំចម្បងគឺដើម្បីគ្រួសារ និងមានបំណងយកកូនឆ្នាំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះដែរ កាលពីថ្មីៗនេះមានវីដេអូឃ្លីបតារាប្រុស Weir Sukolwat ត្រូវបានចែករំលែក ដែលបានបើកឡើងតាមរយៈ BUZZ អំពីជីវិតបន្ទាប់ពីអាពាហ៍ពិពាហ៍ ខណៈលោកបានបង្ហើបបន្ថែមទៀតថា លោកចង់សម្រាកពីការងារមួយឆ្នាំ ឬយូរជាងនេះ ដើម្បីនៅជាមួយគ្រួសារ និងមានកូនជាមួយភរិយារបស់លោកផងដែរ។

ជាមួយគ្នានេះដែរ Weir Sukolwat បានបន្ថែមទៀតថា “ឥឡូវខ្ញុំមានតួនាទីថ្មីហើយ ខ្ញុំជាស្វាមី អ្នករាល់គ្នាប្រហែលជាមិនអាចឃើញរូបខ្ញុំទេ។ ខ្ញុំជាមនុស្សម្នាក់ទៀត មិនឡូយដូចអ្នករាល់គ្នាបានឃើញទេ។ ឥឡូវនេះ ខ្ញុំមើលទៅដូចជាឆ្មាហើយពេលនេះខ្ញុំនៅផ្ទះ កាតព្វកិច្ចរបស់ខ្ញុំគឺជួយប្រពន្ធខ្ញុំគ្រប់បែបយ៉ាង ជួយឧបត្ថម្ភគាត់ ធ្វើជាស្វាមីដ៏ល្អ។ ដូច្នេះ ឥឡូវនេះ ខ្ញុំចង់សម្រាកពីការងារមួយឆ្នាំឬមួយរយៈធំ។ ខ្ញុំចង់នៅជាមួយគ្រួសារ ខ្ញុំចង់មានកូន ខ្ញុំចង់ធ្វើជាមេគ្រួសារ វាជាជំពូកថ្មីសម្រាប់ខ្ញុំ ដែលខ្ញុំមិនដឹង។ ប៉ុន្តែអ្វីដែលខ្ញុំនឹងធ្វើ គឺខ្ញុំនឹងសប្បាយចិត្ត មានគ្រួសារ មានកូន”។

យ៉ាងណាមិញ បណ្ដាអ្នកគាំទ្ររបស់លោកក៏បានសាទរដល់គូស្វាមីភរិយានេះយ៉ាងគគ្រឹកគគ្រេង ក្រោយបានទស្សនានូវឃ្លិបវីដេអូដែលតារាប្រុសរូបនេះ បានបញ្ចាក់ច្បាស់ៗពីគោលបំណងនាថ្ងៃអនាគតរបស់លោក។ ជាពិសេសហ្វេនៗរបស់ Weir ក៏បានគាំទ្រគំនិតនេះ និងគិតថា គួរល្មមដល់ពេលលោកមានកូនតូចៗរត់លេងជិតខ្លួនហើយ។

គួររំលឹកដែរថាដែរថា គូស្នេហ៍ Weir-Vicky បានរៀបអាពាហ៍ពិពាហ៍កាលពីថ្ងៃទី ១៧ ខែកក្កដា កន្លងទៅនេះ ក្រោមការចូលរួមពីសំណាកក្រុមគ្រួសារ និងមិត្តជិតស្និទ្ធរបស់លោកតែប៉ុណ្ណោះ៕

ប្រែសម្រួល៖ សាង ស្រីល័ក្ខ

ចុចអាន៖YaYa បង្អួតរាងស្វែលក្នុងឈុតប៊ីគីនី និងថែមទាំងថេកឲ្យ Nadech ទៀត

ចុចអាន៖Kimberly ទម្លាយថា មង្គលការនាងគ្រោងនឹងធ្វើឆ្នាំក្រោយ ហើយស្លៀកឈុតកូនក្រមុំតែមួយប៉ុណ្ណោះ