Connect with us

ជីវិតកម្សាន្ដ

Johnny Depp បង្ហាញ​ខ្លួន​យ៉ាង​ភ្ញាក់​ផ្អើល ​ក្នុង​កម្មវិធី​ប្រគល់​ពាន​រង្វាន់ MTV ម្សិលមិញ

បានផុស

នៅ

តារាសម្ដែង Johnny Depp ដែលព្យាយាមកសាងអាជីពរបស់ខ្លួនឡើងវិញ បន្ទាប់ពីមានរឿងប្ដឹងផ្ដល់បរិហារកេរ្តិ៍ជាមួយអតីតភរិយា Amber Heard កាលពីថ្ងៃអាទិត្យ ទី២៨ ខែសីហា លោកបានបង្ហាញខ្លួនជាអវកាសយានិកអណ្តែតលើហ្វូងមនុស្ស នៅឯកម្មវិធីនៅក្នុងកម្មវិធី MTV’s Video Music Awards យ៉ាងភ្ញាក់ផ្អើលបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្ទៃមុខរបស់ Johnny ត្រូវបានបំភ្លឺដោយឌីជីថលនៅខាងក្នុងមួករបស់មនុស្សអវកាស ស្របពេលដែលលោកបានលេចវត្តមានឡើងលើឆាកដោយការអណ្ដែតពីលើហ្វូងមនុស្សរាប់សិបនាក់។ ការបង្ហាញខ្លួនរបស់​ Johnny បូករួមនឹងសម្លៀកបំពាក់មនុស្សអវកាស ត្រូវប្រព័ន្ធផ្សព្វផ្សាយឱ្យដឹងថា វាគឺជាការបំផុសគំនិតពីមនុស្សឋានព្រះចន្ទ ដែលត្រូវបានប្រើជារូបតំណាងសម្រាប់ពានរង្វាន់ VMAs ឆ្នាំ២០២២នេះ។ បង្ហាញខ្លួនម្ដងនេះដែរ គេសង្កេតឃើញ Johnny ហាក់មានទឹកមុខស្រស់ស្រាយប្លែក ហើយលោកថែមទាំងនិយាយកំប្លែងឱ្យអ្នកចូលរួមផ្ទុះសំណើចព្រាតទៀតផង។

ចាប់តាំងពីឈ្នះក្ដីនៅតុលាការសហរដ្ឋអាមេរិកមក តារាសម្ដែងវ័យ ៥៩ឆ្នាំរូបនេះ បង្ហាញមុខក្នុងវិស័យសិល្បៈជាបន្តបន្ទាប់ ដោយបានចូលរួមសម្តែងតន្ត្រីទេសចរណ៍ជាមួយលោក Jeff Beck ហើយលោកគ្រោងនឹងដឹកនាំរឿង Modigliani ដែលជារឿងជីវប្រវត្តិអំពីសិល្បករអ៊ីតាលី Amedeo Modigliani ផងដែរ ក្នុងពេលឆាប់ៗខាងមុខ៕

ប្រែសម្រួល៖ សន្យា

ចុចអាន៖ មកដឹងតារាចម្រៀងដែលកាន់ពានរង្វាន់ MTV VMA ច្រើនជាងគេត្រឡប់មកផ្ទះវិញ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម