ជីវិតកម្សាន្ដ

ធ្លាយរូប V និង Jennie នៅភោជនីយដ្ឋានមួយ ខណៈអ្នកលេងអ៊ីនធឺណិតថា មិនមែនកាត់ត

បានផុស

៤ years មុន

នៅ

ថ្ងៃពុធ ២៨ កញ្ញា ២០២២

ដោយ

កាលពីថ្ងៃម្សិលមិញនេះ អ្នកប្រើប្រាស់អ៊ីនធឺណិតដែលមានឈ្មោះថា Gurumiharibo បានបញ្ចេញរូបថតចោទថា Jennie សមាជិកក្រុម BLACKPINK និង V ក្រុម BTS កំពុងណាត់ជួបគ្នានៅឯភោជនីយដ្ឋានមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងរូបភាពដែលបុគ្គលនោះអះអាង គឺជាភស្តុតាងបង្ហាញពីមួក Jennie ពាក់ក្នុងរូបថត ដែលស្រដៀងនឹងមួកនាងធ្លាប់បង្ហោះនៅលើបណ្ដាញសង្គម Instagram កាលពីខែមករាឆ្នាំនេះ។

លើសពីនេះ Gurumiharibo ក៏បានលាតត្រដាងទៀតថា Jennie ក្នុងរូបមានកាន់ស្រាសូជូមួយដប និងពាក់មួកដដែលនោះ នាងបានដាក់ដាក់ខេបសិនថា “អ្នកគឺជាពាក់កណ្តាលនៃជីវិតរបស់ខ្ញុំ” ដែលបង្ហាញពីទំនាក់ទំនងដ៏ផ្អែមល្ហែមក្នុងរូបភាពផងដែរ។

ដោយឡែក កាលពីថ្ងៃទី ២៤ ខែកញ្ញា V ក៏បានបង្ហោះរូបខ្លួនឯងកំពុងដេកនៅផ្ទះលើសាឡុង ថែមទាំងមានសត្វឆ្មានៅក្បែរ រហូតធ្វើឲ្យមហាជនសន្និដ្ឋានបានថា សាឡុងនិងឆ្មាស្រដៀងនឹងផ្ទះម្ដាយរបស់ Jennie ខណៈអ្នកនិយមលេងអ៊ីនធឺណិតជឿថា រូបថតនេះមិនត្រូវបានកាត់ត ដូចការលើកឡើងរបស់ហ្វេនៗតារា k-pop ទាំងពីររូបនេះទេ។

យ៉ាងណាមិញ បន្ទាប់ពី Gurumiharibo បានបង្ហោះរូបភាពបែកធ្លាយរវាង V និង Jennie អ្នកនិយមលេងអ៊ីនធឺណិតបានបញ្ចេញប្រតិកម្មទាំងហួសចិត្តថា “តើការលេចធ្លាយមកពីណា”, “ខ្ញុំធុញទ្រាន់ណាស់ឥឡូវនេះ”, “នេះមិនមែនជារឿងធំទេ” និង “តើភ្នាក់ងារកំពុងធ្វើអ្វីឥលូវនេះ?”

មកដល់ពេលនេះ ទាំងផលិតកម្ម Big Hit Music (ភ្នាក់ងាររបស់ BTS) និងផលិតកម្ម YG Entertainment (ភ្នាក់ងាររបស់ BLACKPINK) មិនបានបញ្ចេញសេចក្ដីថ្លែងការណ៍ណាមួយឲ្យបានច្បាស់លាស់ ពីទំនាក់ទំនងរបស់តារាប្រុស-ស្រី ដែលស្ថិតក្រោមទ្រនំខ្លួនឡើយ៕

ប្រែសម្រួល៖ សាង ស្រីល័ក្ខ

ចុចអាន៖Jennie សមាជិកក្រុម BLACKPINK ស្រក់ទឹកភ្នែកក្នុងកម្មវិធី Fan Signing

ចុចអាន៖MV បទចម្រៀងថ្មីរបស់ BLACKPINK រងការចោទប្រកាន់ថា លួចចម្លងរបស់គេ