បង្ហាញខ្លួនលើកនេះ Jisoo សម្ញែងខ្សែកពេជ្រតម្លៃជាង ៣លានដុល្លារ

ក្រោយពីបង្ហាញវត្តមានជាមួយគ្រឿងពេជ្រតម្លៃជាង ២សែនដុល្លារអាមេរិក ក្នុងការបើកសម្ពោធកម្មវិធី Cartier Maison Cheongdam នៅទីក្រុងសេអ៊ូល កាលពីថ្ងៃមុន ពេលនេះ​ Jisoo សមាជិក​ Blackpink បញ្ចេញរូបថតផ្សព្វផ្សាយគ្រឿងអលង្ការ Cartier ដោយពាក់ខ្សែកពេជ្រតម្លៃរាប់លានដុល្លារ។

នៅក្នុងការបង្ហោះលើ Instagram ថ្មីៗនេះ Jisoo បានពាក់ខ្សែកពេជ្រមានតម្លៃជាង ៣លានដុល្លារ ដែលធ្វើឱ្យវាក្លាយជាគ្រឿងអលង្ការថ្លៃបំផុត មិនធ្លាប់មានតារា K-Pop រូបណា មានប្រវត្តិពាក់ខ្សែកថ្លៃបែបដូចនេះពីមុនមកនោះទេ។

គួររំលឹកថា កាលពីពេលកន្លងទៅ នៅក្នុងព្រឹត្តិការណ៍ Cartier នៅប្រទេសអេស្ប៉ាញ Jisoo ធ្លាប់ពាក់ខ្សែក និងក្រវិលរំលេចត្បូងកណ្តៀង ដែលមានតម្លៃក្បែរលានដុល្លារផងដែរ។ ដូច្នេះវាមិនចម្លែកនោះទេ ដែលពេលនេះ​នាងពាក់គ្រឿងអលង្ការថ្លៃៗ ព្រោះនាងគឺជាទូតសុឆន្ទៈតំណាងឱ្យប្រេន Cartier ៕

ប្រែសម្រួល៖ សន្យា

ចុចអាន៖ អលង្ការមួយឈុតដែល Jisoo ពាក់ថ្ងៃមុន តម្លៃអាចទិញផ្ទះពីរបីល្វែង

ចុចអាន៖ ព្រោះរឿងមួយ ទើប Jisoo សមាជិក Blackpink មិនទាន់ចេញបទចម្រៀងទោលដូចមិត្តរួមក្រុម