ជីវិតកម្សាន្ដ

ឈុតគ្មានយីហោ ដែលតួឯកស្រី F4 ស្លៀកដើរលើកម្រាលព្រំក្រហមលើកមុន តម្លៃសឹងមិនជឿ

បានផុស

៤ years មុន

នៅ

ថ្ងៃអង្គារ ១១ តុលា ២០២២

ដោយ

បន្ទាប់ពីអតីតតួឯកស្រី F4 បានបង្ហាញខ្លួនក្នុងក្នុងមហោស្រពភាពយន្តអន្តរជាតិ Busan ធ្វើឲ្យមហាជនមានការភ្ញាក់ផ្អើលយ៉ាងខ្លាំង ក្រោយតារាសម្ដែងរូបនេះ បានបាត់មុខពីវិស័យសិល្បៈមួយរយៈធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ អ្វីដែលធ្វើឲ្យមហាជនដែលចូលរួមក្នុងពិធីស្រឡាំងកាំងនោះគឺ តារាសម្ដែង Goo Hye Sun ហាក់ប្លែកជាងមុន ជាពិសេសឈុតពណ៌ខ្មៅដ៏ស្រស់ស្អាត ដែលនាងស្លៀកដើរលើកម្រាលព្រំក្រហមទាំងជឿជាក់បំផុត ជាមួយនឹងរូបរាងកាយផ្លាស់ប្ដូរយ៉ាងខ្លាំង។ ទន្ទឹមនោះដែរ អ្នកចូលរួមកម្មវិធីក៏បានចោទសួរថា ឈុតពណ៌ខ្មៅដែលនាងស្លៀកដើរលើកម្រាលព្រំក្រហមមើលទៅសាមញ្ញខ្លាំង និងចង់ដឹងពីតម្លៃពិតថែមទៀត។

តារាសម្ដែង Goo Hye Sun ឆ្លើយដោយមិនលាក់លៀម និងបានបង្ហោះរូបភាពនៅលើ Instagram ហើយនិយាយថា “បន្ទាប់ពីកម្មវិធីបានសព្វគ្រប់ មនុស្សជាច្រើនបានសួរអំពីសំលៀកបំពាក់ដែលខ្ញុំបានស្លៀកនៅថ្ងៃបើកសម្ពោធភាពយន្ត Busan វាជាឈុតដែលមានតម្លៃត្រឹមតែ ៣៨,០០០ វ៉ុន (ប្រហែល២៧ដុល្លារ) ដោយមិនមានម៉ាកយីហោអ្វីទាំងអស់។”

គួររម្លឹកថា តារាសម្ដែង Goo Hye Sun ក៏ធ្លាប់បានពន្យល់នៅលើ Instagram របស់នាងថា “ខ្ញុំឡើងទម្ងន់បន្តិច ដោយសារខ្ញុំទទួលរងនូវភាពតានតឹងជាច្រើននាពេលថ្មីៗនេះ” ការបង្ហោះនេះគឺឆ្លើយតបទៅនឹងអ្នកនិយមលេងអ៊ីនធឺណិត ដែលតែងតែរិះគន់នឹងរូបរាងដ៏ធាត់របស់តារាស្រីរូបនេះ នៅក្នុងព្រឹត្តិការណ៍ចុងក្រោយបំផុត៕

ប្រែសម្រួល៖ សាង ស្រីល័ក្ខ

ចុចអាន៖បាត់មុខយូរ តួឯកស្រី F4 កូរ៉េ ដើរលើកម្រាលព្រំក្រហម ទាក់ទាញការចាប់អារម្មណ៍យ៉ាងខ្លាំង

ចុចអាន៖បណ្ដាញអ៊ីនធឺណិត លើកសរសើរ Sandara Park ថា ជាតារាកូរ៉េមានម៉ូដប្លែកពីគេ