គណនីដែលតែងបង្ហោះរូបបែកធ្លាយរវាង Jennie និង V ចេញមុខឆ្លើយតបជាមួយផលិតកម្ម YG

កាលពីចុងខែកញ្ញាកន្លងទៅ ផលិតកម្ម YG Entertainment បានប្រកាសចាត់វិធានការផ្លូវច្បាប់ចំពោះបុគ្គលដែលបានផ្សព្វផ្សាយរូបថតផ្ទាល់ខ្លួនរបស់ Jennie ពាក់ព័ន្ធនឹងពាក្យចចាមអារ៉ាមស្នេហាជាមួយ ​V សមាជិកក្រុម BTS  ខណៈពេលនេះម្ចាស់គណនីដែលតែងតែចែករំលែករូបបែកធ្លាយរបស់ Jennie និង​ V បានចេញមុខមកឆ្លើយតបហើយ។

គណនី Gurumi Haribo ដែលតែងប្រើប្រាស់ Twitter ដើម្បីបង្ហោះរូបបែកធ្លាយទំនាក់ទំនងស្នេហារបស់ Jennie និង​ V ជាច្រើនសន្លឹកកន្លងមក ថ្មីៗនេះបានចេញមុខទទួលកំហុសរបស់ខ្លួន និងសន្យាបញ្ឈប់បង្ហោះគ្រប់រូបថតរបស់តារាទាំងពីរដួង រហូតដល់ប៉ូលិសស៊ើបក្ដីចប់សព្វគ្រប់។ បន្ថែមពីលើនេះ ផេក Gurumi Haribo ក៏បានប្រកាសផ្អាកប្រើប្រាស់ Twitter ផងដែរ ប៉ុន្តែពួកគេបន្តប្រើឆានែល​ Telegram៕

ប្រែសម្រួល៖ សន្យា

ចុចអាន៖ ផលិតកម្ម YG ប្រកាសប្រើធម៌ក្ដៅចំពោះអ្នកចែកចាយរូបថត Jennie

ចុចអាន៖ អ្នកលេងអ៊ីនធឺណិតភ្ញាក់ផ្អើល ក្រោយឃើញតារាស្រីថៃរូបនេះ មានមុខស្រដៀង Rose