ជីវិតកម្សាន្ដ
តារាបង្ហាញម៉ូដស្បែកខ្មៅបំផុតលើលោក បំបែកកំណត់ត្រាស្ដង់ដារស្រីស្អាតរបស់ Guinness
ស្របពេលដែលមនុស្សភាគច្រើនប្រកាន់និន្នាការលើស្បែកពណ៌សភ្លឺថ្លាថាជាភាពស្រស់បំផុតនៃសម្រស់ តារាម៉ូដែលស្បែកខ្មៅបំផុតលើលោកបានបំបែកនិន្នាការនេះ ដោយនាងបានក្លាយខ្លួនជាមនុស្សស្រីស្អាតបំផុតមួយរូប ក្នុងចំណោមកំពូលស្រីស្អាតនានានៅលើពិភពលោក។
បើនិយាយពីតារាបង្ហាញម៉ូដក្នុងពិភពលោក ជាទូទៅគេតែងតែគិតដល់តារាម៉ូដែលដែលមានជើងដៃវែងៗ រាងស្រឡូន មុខមាត់ស្រស់ស្អាត ជាពិសេសស្បែកសភ្លឺថ្លា។ ទោះជាយ៉ាងណា ទស្សនៈនេះមិនត្រូវបានមនុស្សម្នាយកមកប្រើច្រើនទៀតឡើយ ក្រោយ Nyakim Gatwech បានព្យាយមបង្ហាញខ្លួនប្រឆាំងនឹងទស្សនៈប្រកាន់សម្បុរខ្មៅយ៉ាងស្វិតស្វាញក្នុងអាជីពនៃវិស័យម៉ូដរបស់នាង។
Nyakim Gatwech ជាតារាម៉ូដែលដ៏កម្រនៅក្នុងពិភពលោកដែលមានស្បែកខ្មៅសឹងច្រឡំធ្យូង ប៉ុន្តែនាងជាស្ត្រីដែលមានទំនុកចិត្តខ្ពស់ ព្រមទាំងមានសុខភាពរឹងមាំទៀតផង។ នាងមិនធ្លាប់ខ្មាសគេដែលមានស្បែកខ្មៅនោះទេ នាងពេញចិត្តនឹងសម្រស់ដែលធម្មជាតិផ្តល់ឱ្យ ព្រោះនាងជឿថា គ្រប់មនុស្សមានភាពពិសេសរៀងខ្លួន ជាពិសេសមនុស្សម្នាក់ៗកើតមកសុទ្ធតែជាព្រះពររបស់ព្រះ។
ត្រឡប់ទៅអតីតកាល Nyakim Gatwech កើតក្នុងឆ្នាំ១៩៩៣ ជាជនជាតិដើមអេត្យូពី មកពីប្រទេសស៊ូដង់ខាងត្បូង ដែលជាប្រទេសមួយស្ថិតនៅក្នុងទ្វីបអាហ្វ្រិក។ នាងបានធ្វើឱ្យមហាជនមានការចាប់អារម្មណ៍ជាខ្លាំង ក្រោយពេល Guinness World Records ទទួលស្គាល់ថាជាមនុស្សដែលមានស្បែកខ្មៅជាងគេនៅលើពិភពលោក។
មុនល្បីល្បាញ រហូតដល់អាចបំបែកកំណត់ត្រាពិភពលោក គឺអំឡុងពេលប្រឡូក្នុងវិស័យម៉ូដដំបូងៗ Nyakim Gatwech ធ្លាប់ទទួលរងនូវការរិះគន់ ការបង្ខូចកេរ្តិ៍ឈ្មោះ ការរើសអើងអំពីពណ៌ស្បែករបស់នាងយ៉ាងខ្លាំងមិនថាដោយផ្ទាល់ ឬប្រយោលឡើយ។ ប៉ុន្តែទោះបីជាទទួលបាននូវការរិះគន់អវិជ្ជមានមិនឈប់មិនឈរយ៉ាងណាក៏ដោយ នាងមិនធ្លាប់គិតចង់បោះបង់ក្ដីស្រមៃក្នុងការក្លាយខ្លួនជាតារាម៉ូដែលល្បីលំដាប់អន្តរជាតិនោះទេ ព្រោះនាងចង់បង្ហាញពិភពលោកថា ស្បែកខ្មៅគឺជាភាពស្រស់ស្អាតម្យ៉ាងរបស់មនុស្សជាតិ។
បន្ទាប់ពីតស៊ូអស់ជាច្រើនឆ្នាំ ដើម្បីផ្លាស់ប្តូរទស្សនៈនៃសង្គមដែលរើសអើងលើពណ៌សម្បុរ នាងបានបង្កើតនិន្នាការថ្មីក្នុងគំនិតនៃភាពស្រស់ស្អាតរបស់មនុស្សទូទាំងពិភពលោក ហើយនាងក៏ទទួលជោគជ័យក្នុងវិស័យម៉ូដយ៉ាងត្រចះត្រចង់ផងដែរ។
បច្ចុប្បន្ន Nyakim Gatwech ជាតារាបង្ហាញម៉ូដស្បែកខ្មៅដ៏មានឥទ្ធិពលដែលអ្នករចនាម៉ូដមិនអាចខ្វះបាន ហើយនាងត្រូវគេដាក់រហ័ស្សនាមថា “រាជិនីស្បែកខ្មៅ” ស្រស់ស្អាតបំផុតលើលោក៕
ប្រែសម្រួល៖ សន្យា
ចុចអាន៖ អតីត “ក្មេងស្រីស្អាតជាងគេលើលោក” ក្លាយជាសេដ្ឋីនីក្នុងវ័យ ១៧ឆ្នាំ
ចុចអាន៖ កន្លងទៅ ៤ឆ្នាំ ក្មេងស្រីរហ័ស្សនាម “គុជខ្មៅ” របស់ពិភពលោក ប្រែប្រួលសម្រស់យ៉ាងណាហើយ?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង