ជីវិតកម្សាន្ដ

ទស្សនិកជនជ្រើសរើស IU ជាម៉ូដែលផ្សាយពាណិជ្ជកម្មដ៏ល្អឯក នាចុងឆ្នាំ ២០២២

បានផុស

៤ years មុន

នៅ

ថ្ងៃពុធ ២៨ ធ្នូ ២០២២

ដោយ

តារាចច្រៀងនិងសម្តែង IU ត្រូវបានប្រជាជនកូរ៉េជ្រើសរើសជាម៉ូដែលផ្សាយពាណិជ្ជកម្មពេញចិត្តបំផុតក្នុងឆ្នាំ ២០២២ ដែលផ្អែកលើការស្ទង់មតិធ្វើឡើងដោយក្រុមហ៊ុនផ្សាយពាណិជ្ជកម្មកូរ៉េ (KOBACO) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ ក្រុមហ៊ុនផ្សាយពាណិជ្ជកម្មកូរ៉េ (KOBACO) បានធ្វើការស្ទង់មតិលើប្រធានបទម៉ូដែលផ្សាយពាណិជ្ជកម្មឲ្យម៉ាកល្បីៗរបស់ប្រជាជនកូរ៉េក្នុងឆ្នាំ ២០២២ នឹងមានមនុស្សចំនួន ២,០០០ នាក់បានចូលរួមក្នុងការស្ទង់មតិនេះ។ នៅទីបំផុត តារាចម្រៀងនិងសម្តែង IU ទទួលបានលេខ ១ ជាមួយសំឡេងគាំទ្រ ៩.៤ ភាគរយ និងចំណាត់ថ្នាក់លេខ ២ បានទៅលើកីឡាការិនីជិះស្គីទឹកកក kim yuna ទទួលបានសំឡេងគាំទ្រ ៦ ភាគរយ ក៏ដូចជាពិធីករ Yoo Jae Suk ជាប់ចំណាត់ថ្នាក់លេខ ៣ ទទួលបានសំឡេង ៥ ភាគរយ ។

និងជាចុងក្រោយ កីឡាករបាល់ទាត់ Son Heung Min ជាប់ចំណាត់ថ្នាក់ទី ៤ ដោយមានសម្លេងគាំទ្រ ៤.៥ ភាគរយ ខណៈពេលដែលតារាសម្ដែង Jeon Ji Hyun ត្រូវបានទស្សនិកជនបោះឆ្នោតគាំទ្រ ៤.៣ ភាគរយនិងជាប់ចំណាត់ថ្នាក់លេខ ៥ ។

យ៉ាងណាមិញ នៅក្នុងឆ្នាំនេះ IU ត្រូវបានជ្រើសរើសជាទូតសុន្ទៈផ្សាយពាណិជ្ជកម្មឲ្យម៉ាកល្បីៗកូរ៉េ និងអន្តរជាតិធំៗជាច្រើន។ ជាមួយគ្នានេះ IU ត្រូវបានម៉ាកយីហោនានាជឿទុកចិត្តព្រោះនាងជាតារាចម្រៀងទោលស្រីលំដាប់កំពូលរបស់ប្រទេសកូរ៉េ ហើយបច្ចុប្បន្ននេះនាងក៏ជាទូតសុន្ទៈសកលរបស់ Gucci ដែលត្រូវបានតែងតាំងដោយម៉ាកនេះតាំងពីខែ ឧសភា ឆ្នាំ ២០២២ ៕

ប្រែសម្រួល៖នាងតូច

ចុចអាន៖អាល់ប៊ុមទោលរបស់ RM មេក្រុម BTS ឡើងដល់លេខ ៣ នៅលើតារាង Billboard 200