បវរកញ្ញាចក្រវាលតំណាងឲ្យប្រទេសអូស្ត្រាលីក្នុងឆ្នាំ ២០២០ នាង Maria Thatti ត្រូវបានអ្នកគាំទ្រសរសើរមិនដាច់ពីមាត់ បន្ទាប់ពីបញ្ចេញមុខមិត្តស្រីថ្មីជាសាធារណៈ និងបើកចំហ​ថានាងស្រឡាញ់ភេទដូចគ្នា ។

កាលថ្ងៃទី ២៩ ខែ មករា នាង Maria Thattil ជាបវរកញ្ញាចក្រវាលអូស្ត្រាលីឆ្នាំ ២០២០ បានប្រកាសអំពីមិត្តស្រីនៅលើទំព័រផ្ទាល់ខ្លួន។ ស្របពេលជាមួយគ្នានោះដែរ នាងបានចែករំលែកអំពីរឿងស្នេហាដ៏រ៉ូមែនទិកក្នុងទស្សនាវដ្ដី Stellar ដោយនាងបានទម្លាយអត្តសញ្ញាណមិត្តស្រីដែលមានឈ្មោះ Jorgee Rae ហើយទាំងពីរមានអាយុ ២៩ ឆ្នាំដូចគ្នា និងមានថ្ងៃកំណើតដូចគ្នា។

ជាមួយគ្នានេះ Jorgee Rae ត្រូវបានគេស្គាល់ថាជាអ្នកជំនាញសុខភាពផ្លូវចិត្ត និងជាតារាស្ថិតលើបណ្តាញសង្គមនៅទី ក្រុងមែលប៊ន។ មុននោះគូស្នេហ៍មួយគូនេះបានណាត់គ្នាដោយសម្ងាត់ Maria Thattil មិនបានបង្ហោះរូបថតនៅលើទំព័រផ្ទាល់ខ្លួនរបស់នាងទេ។ ជាពិសេសកាលពីដើមឆ្នាំ ២០២២ នាង Maria Thattil បានបើកចំហថានាងជាមនុស្សសឡាញ់បានទាំងពីរភេទ ( bisexual ) ដោយនាងសារភាពថាធ្លាប់បានណាត់ជួបជាមួយមនុស្សស្រី និងមនុស្សប្រុសផងដែរ។

សូមជម្រាបដែរថា Maria Thattil បវរកញ្ញាចក្រវាលតំណាងឲ្យប្រទេសអូស្ត្រាលីក្នុងឆ្នាំ ២០២០ ហើយនាងថែមទាំងជាប់ចំណាត់ថ្នាក់ Top 10 នៅលើឆាកប្រកួតសម្រស់ Miss Universe 2020 នៅសហរដ្ឋអាមេរិក កាលពីពីរឆ្នាំមុនថែមទៀតផង៕

ប្រែសម្រួល៖នាងតូច

ចុចអាន៖បវរកញ្ញាចក្រវាលថៃ Anna ស្លៀកឈុតក្រហមបង្អួតសាច់យ៉ាងចាស់ដៃ ក្នុងថ្ងៃចូលឆ្នាំ ចិន