មានភស្តុតាងបង្ហាញថា Jung Kook សមាជិក BTS ធ្លាប់ណាត់ជួបតារាសម្តែង Lee Yoo Bi

អ្នកយកព័ត៌មាននិងជា Youtuber លោក Lee Jin Ho​ បានបញ្ចេញភស្តុតាងដែលបញ្ជាក់ថា Jung Kook សមាជិក BTS និងតារាសម្តែង Lee Yoo Bi ធ្លាប់ណាត់ជួបមានទំនាក់ទំនងស្នេហាជាមួយគ្នាកាលពីខែ ឧសភា ឆ្នាំមុន។

កាលពីថ្ងៃទី ១៤ ខែកុម្ភៈ អ្នកយកព័ត៌មាន Lee Jin Ho បានបង្ហោះវីដេអូមួយដែលមានចំណងជើងថា “ភស្តុតាងណាត់ជួបដែលមិនអាចប្រកែកបានរបស់ Jung Kook និង Lee Yoo Bi” ។ លោកបញ្ជាក់ថា គូស្នេហ៍មួយគូនេះ បានស្រលាញ់គ្នាមួយរយៈមកហើយ ប៉ុន្តែមិនទាន់ច្បាស់ថា តើពួកគេនៅតែ រក្សាចំណងស្នេហ៍រហូតមកដល់ពេលនេះ ឬយ៉ាងណានោះទេ ។

Lee Jinho បាននិយាយថា “Jung Kook និង Lee Yoo Bi បានជួបគ្នាតាមរយៈអ្នកស្គាល់គ្នា ហើយណាត់គ្នារហូតដល់ចុងខែឧសភាឆ្នាំមុន ខ្ញុំដឹងព័ត៌មាននេះតាំងពី២ឆ្នាំមុន។ ជាពិសេសអ្នកយកព័ត៌មានប្រុសក៏បានបង្ហាញភស្តុតាងអ្នកទាំងពីរធ្លាប់ទៅលេងកោះ Jeju ជាមួយគ្នា ហើយពាក់ខ្សែដៃគូស្នេហ៍ បន្ថែមពីលើនេះ Jungkook ធ្លាប់ទិញកាបូបប្រណិតមួយសម្រាប់ Lee Yoobi ។

ទន្ទឹមនឹងនេះ ពាក្យចចាមអារ៉ាមអំពីការណាត់ជួបរបស់ Jungkook និង Lee Yoo Bi បានកើតឡើង នៅក្នុងខែធ្នូ ឆ្នាំ ២០២១។ ទោះជាយ៉ាងណាក៏ដោយ ភ្នាក់ងាររបស់តារាល្បីទាំងពីរបានបដិសេធ ពាក្យចចាមអារ៉ាមនៅពេលនោះ ៕

ប្រែសម្រួល៖នាងតូច

ចុចអាន៖Rain និងភរិយា ទិញផ្ទះតម្លៃវាល់លាននៅអាមេរិក ទុកឲ្យកូនស្នាក់នៅពេលកំពុងសិក្សា