ជីវិតកម្សាន្ដ

Jun Ji Hyun និង Son Heung Min ភ្ញាក់ផ្អើលខ្លាំង ពេលជួបគ្នាចៃដន្យនៅទីក្រុងឡុងដ៍

បានផុស

៣ years មុន

នៅ

ថ្ងៃពុធ ២២ កុម្ភៈ ២០២៣

ដោយ

កាលពីថ្ងៃទី ២០ ខែកុម្ភៈ តារាសម្តែងជួរមុខ Jun Ji Hyun និងកីឡាករបាល់ទាត់ Son Heung Min បានចូលរួមកម្មវិធី Burberry 2023 F/W Collection នៅ London Fashion Week ខណៈអ្នកទាំងពីរបានបង្ហាញភាពភ្ញាក់ផ្អើល នៅពេលបានជួបគ្នាដោយចៃដន្យ។

សារព័ត៌មាន W Korea បានចែករំលែកវីដេអូរបស់កំពូលតារាទាំង ២ដួងក្នុងកម្មវិធីតែមួយ ស្របពេលដែលអ្នកគាំទ្រទូទាំងពិភពលោកឃើញហើយ ពិតជាមានក្ដីរំភើបចិត្តដែលបានឃើញអ្នកទាំងពីរកំពុងសន្ទនាគ្នាយ៉ាងសប្បាយរីករាយ។ហើយនេះក៏ជារូបភាពដ៏កម្របំផុត រវាងតារាជួរមុខ និងកីឡាករជម្រើសជាតិកូរ៉េខាងត្បូង។

ទន្ទឹមនោះដែរ Jun Ji Hyun បាននិយាយថា “អរគុណខ្លាំងណាស់សម្រាប់ការចុះហត្ថលេខារបស់អ្នក” ខណៈ Son Heung Min បានឆ្លើយថា “មិនអីទេ ខ្ញុំត្រូវតែចុះហត្ថលេខា”។ តួឯកស្រីក្នុងរឿង “សង្សាខ្ញុំជាមនុស្សភពផ្កាយ” ក៏បន្ថែមទៀតថា នាងជាអ្នកគាំទ្រដ៏ធំរបស់ Son Heung Min រហូតធ្វើឲ្យលោករំភើបនិងនិយាយអរគុណដល់នាងថា នេះជាកិត្តិយសសម្រាប់លោកធំបំផុត។

សូមជម្រាបដែរថា Jun Ji Hyun ជាតារាសម្ដែងដែលអ្នកគាំទ្រទូទាំងប្រទេសកូរ៉េដឹងថា នាងជាតួឯកស្រីក្នុងរឿងល្បីៗជាច្រើនដូចជា “My Love from the Star”, “Assassination “, “The Legend of the Blue Sea” និង “Jirisan” ។ ដោយឡែកសម្រាប់ Son Heung Min គឺជាកីឡាករបាល់ទាត់ដែលលេងឲ្យក្លឹបមាន់ខ្នាយមាស Tottenham Hotspur ក្នុងទីក្រុងឡុងដ៍ និងជាប្រធានក្រុមជម្រើសជាតិកូរ៉េនាពេលនេះផងដែរ៕