ជីវិតកម្សាន្ដ
លោក ខាន់ ជេមស៌ ដឹកដៃកូនស្រីសំណព្វឈោងចាប់ក្ដីស្រមៃធំជាមួយគ្រួសារ Galaxy Navatra
នាថ្ងៃទី០៣ មីនា ឆ្នាំ២០២៣ នេះ តារាចម្រៀង ខាន់ ជេមស៌ បានដឹកដៃកូនស្រីបង្កើត កញ្ញា Amie ចុះកុងត្រាចូលរួមជាមួយផលិតកម្ម Galaxy Navatra អ្នកឧកញ៉ា ឡេង ណាវ៉ាត្រា ជាផ្លូវការ។
![](https://www.kampucheathmey.com/wp-content/uploads/2023/03/photo_2023-03-04_06-48-48-1024x682.jpg)
ថ្លែងនៅចំពោះមុខ អ្នកសារព័ត៌មានជាច្រើនស្ថាប័ន នៅសណ្ឋាគារហៃយ៉ាត់ ភ្នំពេញ ម្ចាស់បទចម្រៀង សម្រែកបេះដូង ដែលធ្លាប់អង្រួន បេះដូងអ្នកគាំទ្រអស់រយៈពេលជាច្រើនឆ្នាំកន្លងមក ថ្លែងថា៖ “ថ្ងៃនេះរូបខ្ញុំ និងកូន Amie ពិតជាមានកិត្តិយស និងរំភើបណាស់ ដែលមានឱកាសបានកាន់ប៊ិចចុះកុងត្រា រួមទ្រនំជាមួយផលិតឈានមុខ នៅកម្ពុជា Galaxy Navatra របស់អ្នកឧកញ៉ា ឡេង ណាវ៉ាត្រា។”
![](https://www.kampucheathmey.com/wp-content/uploads/2023/03/photo_2023-03-04_06-49-02-1024x682.jpg)
ជាមួយនឹងអារម្មណ៍សប្បាយរីករាយ អមដោយទឹកមុខស្រស់ស្រាយ លោក ខាន់ ជេមស៌ បន្ថែមថា៖ មូលហេតុ ដែលសម្រេចចិត្តដោយមិនស្ទាក់ស្ទើរ ចូលរួមជាមួយផលិតកម្មចម្រៀង Galaxay ព្រោះខ្ញុំ ជឿជាក់លើ អ្នកឧកញ៉ា ណាវ៉ាត្រា ដែលជាអ្នកដឹកនាំប្រកបដោយចក្ខុវិស័យ និងជាចលករឆ្នើម នៅពីក្រោយការផ្លាស់ប្តូរក្នុងវិស័យតន្ត្រីចម្រៀងនៅកម្ពុជា។
![](https://www.kampucheathmey.com/wp-content/uploads/2023/03/photo_2023-03-04_06-48-47-2-1024x682.jpg)
“តាមរយៈការកម្សាន្តប្រកបដោយភាពច្នៃប្រឌិត និងបទពិសោធន៍ថ្មីៗ គ្មានដែនកំណត់របស់អ្នកឧកញ៉ា ខ្ញុំ និង Amie បានត្រៀមខ្លួនរួចជាស្រេច ថានឹងរួមចំណែកជាមួយផលិតកម្ម Galaxy នាំមកនូវការរីកចម្រើនថ្មី ជាបន្តបន្ទាប់ដល់ឧស្សាហកម្មតន្ត្រីកម្ពុជា។” ម្ចាស់បទ បុប្ផាក្រពុំ បញ្ជាក់បន្ថែម។
ដោយឡែក តារាចម្រៀងវ័យក្មេង កំពុងច្បាមប្រជាប្រិយភាពពីអ្នកគាំទ្រ កញ្ញា Amie បង្ហាញចំណាប់អារម្មណ៍ថា៖ “កញ្ញា ពិតជាមាន កិត្តិយសណាស់ដែលទទួលបានឱកាសមាស បង្ហាញសមត្ថភាព និងទេពកោសល្យរបស់នាងខ្ញុំ ក្នុងផលិតកម្ម Galaxy Navatra។”
![](https://www.kampucheathmey.com/wp-content/uploads/2023/03/photo_2023-03-04_06-48-53-1024x682.jpg)
Amie សង្កត់ធ្ងន់បន្ថែមទៀតថា៖ អ្វីដែលនាងខ្ញុំ ដាក់ក្ដីរំពឹងខ្ពស់ជាមួយ ផលិតកម្ម Galaxy Navatra ចាប់ពីពេលនេះតទៅ គឺនាងខ្ញុំទទួលបានឱកាសបញ្ចេញសមត្ថភាពក្នុងវិស័យសិល្បៈចម្រៀងនេះ រួមជាមួយរៀមច្បងជំនាន់មុន ដូចជា លោកពូ ឧកញ៉ា ព្រាប សុវត្ថិ ឧកញ៉ា សិរីមន្ត Kem, បងស្រី តន់ ចាន់សីម៉ា និងសិល្បករ សិល្បការិនីដ៏មានទេពកោសល្យទាំងអស់ ដែលបាននឹងកំពុងខិតខំប្រឹងប្រែង ធ្វើបដិវត្តន៍ឧស្សាហកម្មតន្ត្រីខ្មែររបស់យើងឱ្យនៅគង់វង្ស ទាំងប្រពៃណី និង សហសម័យ ដើម្បីបន្តផ្តល់ការកម្សាន្តដល់ប្រជាជនកម្ពុជាយើង។
![](https://www.kampucheathmey.com/wp-content/uploads/2023/03/photo_2023-03-04_06-48-58-2-1024x682.jpg)
នៅចំពោះមុខសន្និសីទកាសែតដ៏ឱឡារឹកនេះដែរ គ្រាប់ពូជសិល្បៈរបស់ តារាចម្រៀង ខាន់ ជេមស៌ ខាងលើ ក៏បានប្ដេជ្ញាចិត្តថា នឹងមិនឱ្យអ្នកគាំទ្រកញ្ញា ខកចិត្តឡើយ ហើយថានឹង ឈោងចាប់យកឱកាសដុសខាត់សមត្ថភាពរបស់ខ្លួនឱ្យកាន់តែខ្លាំង ក្នុងអាជីពសិល្បៈតន្ត្រី របស់នាងឱ្យល្អបំផុត ជាមួយក្រុមគ្រួសារ Galaxy Navatra។
គួរបញ្ជាក់ថា ក្រៅពីកម្មវិធីចុះកិច្ចព្រមព្រាង ជាមួយតារាចម្រៀង ខាន់ ជេមស៌ និងកូនស្រីរបស់លោក កញ្ញា អេមមី នាថ្ងៃជាមួយគ្នានេះដែរ ផលិតកម្ម ហ្គាឡាក់ស៊ី ណាវ៉ាត្រា ក៏បន្តចុះ MOU ជាមួយកូនប្រុស លោកឧកញ៉ា ព្រាប សុវត្ថិ គឺលោក សុវត្ថិ មុន្នីវណ្ណ ដែលជាតារាចម្រៀងវ័យក្មេង ពោពេញដោយដុងសិល្បផងដែរ។
![](https://www.kampucheathmey.com/wp-content/uploads/2023/03/photo_2023-03-04_06-49-04-1024x682.jpg)
កម្មវិធីទទួលស្វាគមន៍វត្តមានតារាចម្រៀងដ៏ល្បីវ័យក្មេងរូបនេះ ជាសក្ខីភាពបង្ហាញយ៉ាងច្បាស់ពីឧត្តមភាព និងការឈានឡើងកាន់តែខ្ពស់ត្រដែតរបស់ផលិតកម្មហ្គាឡាក់ស៊ី ណាវាត្រា ដែលជាផលិតកម្មចម្រៀងកំពូលនៅក្នុងព្រះរាជាណាចក្រកម្ពុជា និងដែលជានិច្ចកាលតែងទទួលបានការគាំទ្រស្រឡាញ់ពេញចិត្តពីសំណាក់មហាជនគ្រប់ស្រទាប់វណ្ណៈ៕
![](https://www.kampucheathmey.com/wp-content/uploads/2023/03/photo_2023-03-04_06-48-56-1024x576.jpg)
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៤ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៦ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព