លោក Bang Si Hyuk ប្រធានផលិតកម្ម HYBE បានបង្ហាញខ្លួននៅក្នុងវេទិកា Gwanhun ដើម្បីពិភាក្សាអំពីផែនការរបស់ក្រុមហ៊ុនក្នុងការពង្រីក K-Pop ទូទាំងពិភពលោក នៅក្នុងនោះគាត់បានលើកឡើងពី BTS និង BLACKPINK ជាក្រុមចម្រៀងកំពូល ។

ប្រធានផលិតកម្ម បាននិយាយដោយសំដៅលើក្រុមទាំងពីរថា “គ្មានការបដិសេធថា K-Pop គឺជានិន្នាការសកលទេ ដែល BTS គឺជាក្រុមចម្រៀងប្រុសកំពូល ហើយ BLACKPINK គឺជាក្រុមចម្រៀងស្រីកំពូល”។ បន្ទាប់ពីលោកនិយាយឈ្មោះក្រុម BLACKPINK នៅក្នុងសុន្ទរកថា​ភ្លាមៗអ្នកគាំទ្រមានការភ្ញាក់ផ្អើលយ៉ាងខ្លាំង នៅពេលដែលសមាជិកទាំង ៤ នាក់មិនមែនមកពីផលិតកម្ម HYBE ។

ទោះជាយ៉ាងណាក៏ដោយ វាហាក់បីដូចជាផលិតកម្ម HYBE ក៏ត្រូវតែទទួលស្គាល់ឥទ្ធិពលនិងជំហររបស់ BLACK PINK ទូទាំងពិភពលោកផងដែរ។ ជាមួយគ្នានេះលោក Bang Si Hyuk បានបន្តនិយាយអំពីសារៈសំខាន់នៃ K-Pop ថា “K-Pop ដែលជាផ្នែកមួយដ៏សំខាន់ទាំងផ្នែកវប្បធម៌ និងឧស្សាហកម្ម ផ្តល់ភាពរឹងមាំដល់ប្រទេសកូរ៉េ។ K-Pop គឺជាកាតាលីករដែលរួមចំណែកដល់ការអភិវឌ្ឍន៍ នៃឧស្សាហកម្មផ្សេងៗទៀត ។

យ៉ាងណាមិញ នៅពេលនេះផលិតកម្ម HYBE កំពុងគ្រប់គ្រងនិងផ្តោតលើក្រុមតារាផ្សេងទៀត BTS ដូចជា TXT, New Jeans, LE SSERAFIM ជាមួយនឹងក្តីសង្ឃឹមនៃការឈានទៅដល់ទូទាំងពិភពលោក៕

ប្រែសម្រួល៖នាងតូច

ចុចអាន៖Cha Joo Young លាតត្រដាងការពិតនៃឈុតឆាកស្រាតននលគកក្នុងរឿង “The Glory”