ផលិតកម្ម SM ច្រានចោលព័ត៌មានថា មិត្តស្រី SeHun សមាជិក EXO មានផ្ទៃពោះ

ផលិតកម្ម SM Entertainment បានចេញមកបដិសេធពាក្យចចាមអារ៉ាមថា សង្សាររបស់ SeHun សមាជិក EXO មានផ្ទៃពោះមុនពេលរៀបការ រួមទាំងនឹងចាត់វិធានការណ៍តាមផ្លូវច្បាប់ចំពោះអ្នកដែលចែកចាយព័ត៌មានមិនពិត ណាមួយ។

នៅរសៀលថ្ងៃទី ២៧ នេះខាងផលិតកម្ម SM Entertainment បានប្រាប់ MBN Star ឲ្យដឹងថា”ពាក្យចចាមអា រ៉ាមអំពី Sehun​សមាជិក EXO ដែលត្រូវបានផ្សព្វផ្សាយតាមអ៊ីនធឺណិតគឺគ្មានមូលដ្ឋានច្បាស់លាស់ និងមិនមែនជាការពិត ហើយវាគឺជាអំពើឧក្រិដ្ឋកម្មជាក់ស្តែងក្នុងការចែកចាយខ្លឹមសារអាក្រក់ដែលខុសពីការពិត” ។

ខាងផលិតកម្មបានបន្តទៀតថា “បច្ចុប្បន្នយើងកំពុងតាមដានស្ថានភាពដែលការបង្ហោះត្រូវបានលុប ប៉ុន្តែយើងកំពុងតាមដានការបង្ហោះដើម និងអ្នកផ្សព្វផ្សាយពាក្យចចាមអារ៉ាម ហើយយើងនឹងចាត់វិធានការផ្លូវច្បាប់យ៉ាងខ្លាំង”។

ទន្ទឹមនឹងនោះ មុនចេញសេក្តីប្រកាសនេះ នៅលើគេហទំព័រសហគមន៍អនឡាញមានអត្ថបទមួយ ត្រូវបានបង្ហោះឡើង ធ្វើឲ្យមានការសង្ស័យថាមិត្តស្រីរបស់ Sehun សមាជិកក្រុម EXO មានមានផ្ទៃពោះមុនពេលរៀបការ តែទោះយ៉ាង ណាមកទល់ពេលនេះអត្ថបទមួយនេះត្រូវបានលុបចោលពីអ៊ីនធឺណិត ៕

ប្រែសម្រួល៖នាងតូច

ចុចអាន៖ទម្លាយតម្លៃឈុត ដែល Jisoo​ ស្លៀកក្នុង Teaser អាល់ប៊ុមទោលរបស់នាង