G-Dragon ក្លាយជាទូតសុឆន្ទៈថ្មីសម្រាប់ម៉ូដែលរថយន្តប្រណិត BMW “New XM”

តារារ៉េប G-Dragon សមាជិក BIGBANG ត្រូវបានគេហទំព័រ Hankyung រាយការណ៍ថា លោកគឺជាទូតសុឆន្ទៈថ្មីនៃក្រុមហ៊ុនរថយន្តប្រណិតរបស់អាល្លឺម៉ង់ BMW សម្រាប់ការផ្សព្វផ្សាយពាណិជ្ជកម្មម៉ូដែលរថយន្តស៊េរីថ្មី BMW XM ។

ជាមួយគ្នាថ្មីៗនេះ G-Dragon ក៏បានចូលរួមក្នុងកម្មវិធីសម្ពោធរថយន្ត BMW XM នៅ Gangnam ក្នុងទីក្រុង សេអ៊ូល។ រថយន្ត BMW XM ជាម៉ូដែល SAV ដែលមានសមត្ថភាពខ្ពស់បំផុត និងជាម៉ូដែលរយន្តដែលពេញនិយមបំផុតរបស់ BMW នៅពេលបច្ចុប្បន្ន។ ទន្ទឹមនឹងនេះ G-Dragon ក៏បង្ហាញពីចាប់អារម្មណ៍ចំពោះរថយន្តដែលបង្កប់អត្ថន័យថា “ខ្ញុំចូលចិត្តរថយន្តដែលបង្ហាញអត្តសញ្ញាណរបស់ខ្ញុំយ៉ាងច្បាស់ដូចជា BMW ‘New XM’ គឺឡូយ ។

ជាពិសេសនៅក្នុងព្រឹត្តិការណ៍នេះ G-Dragon ក៏បានបង្ហើបថាលោកកំពុងត្រៀមខ្លួនសម្រាប់អាល់ប៊ុមខាងមុខ ដោយតារារូបនេះបាននិយាយថាលោកកំពុងស្ថិតនៅក្នុងដំណើរការនៃការបង្កើតអាល់ប៊ុមនៅឡើយ។ កាលពីដើមឆ្នាំនេះ G-Dragon បានបង្ហាញខ្លួននៅក្នុងវីដេអូមួយដែលមានចំណងជើងថា “GUERRILLA DESK: G-Division” ដើម្បីទាក់ទងជាមួយអ្នកគាំទ្រអំពីផែនការសម្រាប់សកម្មភាពរបស់លោកអំពីអាល់ប៊ុមថ្មីនៅឆ្នាំនេះ។

យ៉ាងណាមិញ G-Dragon បានចេញផ្សាយអាល់ប៊ុមចម្រៀងឌីជីថលចុងក្រោយនៅថ្ងៃទី ៨ ខែមិថុនា ឆ្នាំ ២០១៧ មានមានចំណងជើងថា “Kwon Ji Yong” ដែលជា EP ប្រាំ។ អាល់ប៊ុមនេះបានបង្ហាញខ្លួននៅលើកំពូលអាល់ប៊ុម Billboard World និងអាល់ប៊ុម Heatseekers របស់សហរដ្ឋអាមេរិក ហើយក៏បានឈរនៅលើកំពូលតារាង Billboard Hot Albums នៅក្នុងប្រទេសជប៉ុនផងដែរ ៕

ប្រែសម្រួល៖នាងតូច

ចុចអាន៖បាត់មុខ ៣ ឆ្នាំ Kim Tae Hee វិលមកវិញចាប់ដៃគូជាមួយតួស្រីក្នុងរឿង “The Glory”