ជីវិតកម្សាន្ដ

ផ្ទុះរឿង Miss Grand ភូកេត ! អ៊ឹម សុគន្ធា សុំចិត្តអ្នកគាំទ្ររំងាប់ការខឹងក្រោធ

បានផុស

៣ years មុន

នៅ

ថ្ងៃពុធ ២៩ មីនា ២០២៣

ដោយ

បន្ទាប់ពីផ្ទុះនូវរឿងរ៉ាវចម្រូងចម្រាសជុំវិញបវរកញ្ញាភូកេតថៃកញ្ញា Tia Li Taveepaichpan ដែលបានបង្ហោះរូបភាពកាត់តបង្កប់អត្តសញ្ញាណមានចេតនាមើលងាយប្រជាជនខ្មែរនៅលើ STORY IG បង្កការមិនពេញចិត្តសម្រាប់មហាជនខ្មែរទូទាំងប្រទេសនោះ អ្នកគ្រប់គ្រង Miss Grand Cambodia បានចេញមកសុំចិត្តអ្នកគាំទ្ររំងាប់ការខឹងក្រោធ ដើម្បីឲ្យស្ថានការណ៍ប្រសើរឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង អ៊ឹម សុគន្ធា បានចេញមកសំណូមពរដូច្នេះថា «ក្នុងនាមខ្ញុំជា National Director Miss Grand Cambodia នាងខ្ញុំពិតជាមានការសោកស្ដាយ និងមិនគាំទ្រដាច់ខាតលើទង្វើរបស់ Miss Grand Phuket បានបង្ហោះលើ Story IG ពេលកន្លងមកនេះ វាធ្វើឲ្យប៉ះពាល់ដល់សម្ពន្ធភាពយ៉ាងខ្លាំង រួមទាំងមិនសមនឹងពាក្យថា Stop The War and Violence ទាល់តែសោះ»។

អ្នកនាង អ៊ឹម សុគន្ធា ដែលជាអ្នកគ្រប់គ្រង Miss Grand Cambodia បានបន្តទៀតថា ដូច្នេះហើយខាងក្រុមការងារក៏បានធ្វើការទាក់ទង និងសាកសួរទៅខាងអ្នកគ្រប់គ្រងកម្មវិធីនៅ Thailand តាំងពីមានបញ្ហាភ្លាមៗ ហើយមកគាត់បានផ្តល់ដំណឹងមកថា ND Miss Grand Phuket កំពុងរកដំណោះស្រាយក្នុងរឿងនេះហើយ។ មុននេះបន្តិចក៏មានការឡាយ ហើយបកស្រាយពីកញ្ញា Tia ពីមូលហេតុ នៃការផុសរួចរាល់ហើយកញ្ញា Tia បានសុំទោសដល់ប្រជាជនខ្មែរដោយការដឹងកំហុស។

អ្នកនាង អ៊ឹម សុគន្ធា បន្ថែមទៀតថា «ខ្ញុំពិតជាសង្ឃឹមថា នឹងមិនមានបញ្ហាបែបនេះកើតឡើងទៀត ឡើយ ជាពិសេសការបង្ហោះលើបណ្ដាញសង្គម ហើយនាងខ្ញុំសុំចិត្តបងប្អូនរំងាប់ការខឹងក្រោធ ដើម្បីឲ្យស្ថានការណ៍មួយនេះឲ្យប្រសើរឡើងវិញ ខ្ញុំជាកូនខ្មែរ ដូច្នេះយើងជាជនរួមជាតិចូលរួមថែរក្សាកិត្តិយសជាតិរួមគ្នា»៕

អត្ថបទ ៖ ចាន់រ៉ា