J-Hope សមាជិក BTS នឹងចាប់ផ្តើមចូលបម្រើយោធានៅថ្ងៃនេះ

យោងទៅតាមការចុះផ្សាយពីប្រភពព័ត៌មាននៅក្នុងឧស្សាហកម្មតន្ត្រីបានឲ្យដឹងថា J-Hope នៃក្រុមចម្រៀង K-pop BTS នឹងចូលបម្រើយោធានៅថ្ងៃអង្គារ ដើម្បីក្លាយជាសមាជិកទីពីរក្រោយ Jin ។

នៅថ្ងៃទី ១៨ នេះ J-Hope នឹងចូលទៅក្នុងមជ្ឈមណ្ឌលហ្វឹកហ្វឺនជ្រើសរើសទាហាននៅ Gangwon-do ទទួលការបណ្តុះបណ្តាលយោធាជាមូលដ្ឋានរយៈពេល ៥ សប្តាហ៍ ហើយបន្ទាប់មកត្រូវបានចាត់ឱ្យទៅអង្គភាពរបស់លោក។ ក្រោយមកគាត់នឹងបំពេញកាតព្វកិច្ចយោធារបស់លោក ជាទាហានកាតព្វកិច្ចសកម្ម ។

ទោះជាយ៉ាងណាក៏ដោយ ភ្នាក់ងាររបស់ផលិកម្ម BigHit Music មិនបានបង្ហាញពីកាលបរិច្ឆេទ និង ទីកន្លែងនៃការចុះឈ្មោះចូលបម្រើការងាររបស់ J-Hope នោះទេ។ ជាមួយគ្នានោះ J-Hope ក៏បានបង្ហោះរូបភាពកាត់សក់ខ្លីនៅលើវេទិកាសហគមន៍អ្នកគាំទ្រ Weverse របស់ Hybe ដើម្បីចែករំលែកជាមួយអ្នកគាំទ្រនូវសារមួយនិងរូបថតរបស់លោកដែលបង្ហាញថា “ខ្ញុំស្រលាញ់អ្នកទាំងអស់គ្នា។ ARMY ខ្ញុំនឹងត្រលប់មកវិញដោយសុវត្ថិភាព” ។

យ៉ាងណាមិញ កាលពីខែធ្នូឆ្នាំមុន Jin ជាសមាជិកដែលអាយុច្រើនជាងគេបានចុះឈ្មោះចូលបម្រើ យោធាចូលបម្រើយោធារក្នុងរយៈពេល ៤ ខែ J-Hope ក្លាយជាសមាជិក BTS ទីពីរត្រូវចុះឈ្មោះ បម្រើយោធា៕

ប្រែសម្រួល៖នាងតូច

ចុចអាន៖អ្នកលេងអ៊ីនធឺណិតកូរ៉េ រិះគន់ឈុតស្រើបស្រាលរបស់ HyunA ពេលសម្ដែងនៅថៃ