ជីវិតកម្សាន្ដ

ហ៊ុយ យ៉ាឡេង សន្យាប្រឹងឲ្យអស់លទ្ធភាព ដើម្បីការពារថែរក្សាលើកតម្កើងសិល្បៈ ទៅកាន់ពិភពលោក

បានផុស

២ years មុន

នៅ

ថ្ងៃពុធ ១៩ មេសា ២០២៣

ដោយ

ផលិតករភាពយន្តខ្មែរលោក ហ៊ុយ យ៉ាឡេង ថ្វីត្បិតកន្លងទៅត្រូវខាតបង់អស់ទ្រព្យពីខ្លួនក្នុងការផលិតរឿងក៏ពិតមែន ប៉ុន្តែលោកនៅរក្សាជំហរ និងឆន្ទៈ សម្រាប់លើកស្ទួយវិស័យសិល្បៈរបស់ខ្មែរ ដើម្បីផ្សព្វផ្សាយទៅកាន់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាឆន្ទៈរបស់លោក ហ៊ុយ យ៉ាឡេង ក៏បានធ្វើការសន្យា ដោយខិតខំប្រឹងឲ្យអស់ពីលទ្ធភាព ដើម្បីចូលរួមការពារថែរក្សាលើកតម្កើងសិល្បៈទៅកាន់ពិភពលោក។ លោក ហ៊ុយ យ៉ាឡេង បាននិយាយថា ឲ្យតែឮពាក្យថា កូនខ្មែរមិនគួររំលង ខ្ញុំតែងតែមិនរំលង ព្រោះខ្ញុំជាកូនខ្មែរ។ លោកភ្ជាប់ថា “ទេពហត្ថាភាពយន្តឯកសារមួយដែលនិយាយពីប្រវត្តិរបាំខ្មែរ មើលរឿងនេះបើអ្នកជាខ្មែរ អ្នកនឹងឃើញព្រលឹងដូនតានៅនឹងមុខអ្នក”។

លោកបន្តថា ដូនតាយើងពូកែរកអ្វីថ្លែងពុំបាន គ្រាន់តែយើងថែកេរ្តិ៍ដូនតាក៏មិនបានគង់អស់ដែរ បាត់បង់ច្រើនណាស់ ដោយសារសង្គ្រាមផង មើលភាពយន្តនេះអ្នកនឹងបានយល់ ដូនតាយើងបានបង្កើតសិល្បៈផ្សារភ្ជាប់នឹងធម្មជាតិ និងជីវិត ដែលមើលទៅរស់រវើក។ ហ៊ុយ យ៉ាឡេង លើកឡើងថា ក្នុងនាមជាកូនចៅខ្មែរ ខ្ញុំសន្យាថាប្រឹងឲ្យអស់លទ្ធភាព ដើម្បីការពារ ថែរក្សា លើកតម្កើងសិល្បៈយើងទៅកាន់ពិភពលោក។

ផលិតករលោក ហ៊ុយ យ៉ាឡេង និយាយបន្ថែមថា សូមអរគុណដល់ព្រះម៉ែ”បុផ្ផាទេវី” ដែលតស៊ូថែរក្សាសិល្បៈរបាំ សូមឧទ្ទិសបួងសួង សូមគុណបារមីព្រះម៉ែ ជួយថែរបាំខ្មែរឲ្យនៅឋិតថេរជាអមត និងអរគុណរោងភាពយន្តដែលនៅបន្តចាក់ភាពយន្តនេះ ទោះកូនខ្មែរមិនសូវគាំទ្រភាពយន្តនេះក៏ដោយ អ្នកមិនទាន់មើលគួរទៅមើល ពិសេសអ្នកសិល្បៈទាំងអស់គ្នា៕

អត្ថបទ ៖ ចាន់រ៉ា