តារា K-pop ទាំង ១០ រូប រកចំណូលបានច្រើនជាងគេពី Instagram

ការរីកចម្រើននៃឧស្សាហកម្មតន្ត្រីកូរ៉េ ជួយឱ្យតារារកប្រាក់បានយ៉ាងច្រើន ក្រៅពីសកម្មភាពសំខាន់ៗក្នុងអាជីព K-pop បណ្ដាញសង្គមក៏រកចំណូលបានច្រើនសម្រាប់តារាគ្រប់រូប ជាមួយនឹងចំនួនអ្នកតាមដានយ៉ាងច្រើននៅលើ Instagram ពួកគេអាចរកប្រាក់បានយ៉ាងច្រើនសន្ធឹកសន្ធាប់ ។

ខាងក្រោមនេះគឺជាតារា K-pop ទាំង ១០ រកចំណូលបានច្រើនជាងគេពី Instagram ៖

១. Lisa

Lisa គឺជាតារា K-pop ដែលមានប្រជាប្រិយភាពបំផុតនៅលើ Instagram ទោះបីជានាងមិនមែនជាជនជាតិកូរ៉េក៏ដោយ។ គណនី Instagram របស់ Lisa មានអ្នកតាមដានច្រើនជាង ៤៤.៥ លាននាក់ ដែលជាចំនួនច្រើនបំផុតក្នុងចំណោមតារា K-pop នាពេលបច្ចុប្បន្ននេះ។ ត្រូវបានគេប៉ាន់ស្មានថា Lisa រកចំណូលពី Instagram បានរហូតដល់ ២០០,០០០ ដុល្លារ ។

២. Jennie

ខណៈពេលដែល Lisa កាន់តំណែងលេខ ១ សមាជិក BLACKPINK ម្នាក់ទៀតដែលមានឥទ្ធិពលនៅលើ Instagram គឺ Jennie ។ អ្នកតាមដានរបស់នាងកំពុងតែកើនឡើងយ៉ាងឆាប់រហ័ស ហើយមានអ្នកតាមដាន ៣៧.៥ លាននាក់ តាមការប៉ាន់ស្មានថា តារាស្រីអាចទទួលបាន ១៧០ ពាន់ ដុល្លារសម្រាប់ការផ្សាយពាណិជ្ជកម្មនីមួយៗនៅលើ Instagram ។

៣. Rosé

ចំណាត់ទី៣ ក៏ជាសមាជិក BLACKPINK គឺ Rosé បច្ចុប្បន្ននេះជាទូតសុឆន្ទៈសកលនៃម៉ាកយីហោប្រណិត YSL ហើយគណនី Instagram របស់នាងទាក់ទាញអ្នកតាមដាន ៣៤ លាននាក់។ តាមរយៈផ្សាយពាណិជ្ជកម្មផ្សេងៗនៅលើ Instagram របស់នាងត្រូវបានគេប៉ាន់ប្រមាណថានឹងទទួលបាន ១៦ ម៉ឺនដុល្លារ ។

៤. Jisoo

ដូចសមាជិកដទៃទៀត Jisoo ក៏មានអ្នកតាមដានច្រើននៅលើ Instagram តាមរយៈការបង្ហោះរបស់ Jisoo អ្នកគាំទ្រនឹងឃើញនាងជាម៉ូដសំលៀកបំពាក់ និងគ្រឿងសម្អាងកំពូលរបស់ប្រទេសកូរ៉េ។ លើសពីនេះ ការបង្ហោះនីមួយៗរបស់ Jisoo ត្រូវបានគេប៉ាន់ប្រមាណថា នឹងទទួលបានប្រាក់ឈ្នួល ១៥០,០០០ ដុល្លារ។

៥. Chanyeol សមាជិក EXO

Chanyeol បានបង្កើតគណនី Instagram ក្នុងឆ្នាំ ២០១៤ ហើយបានទទួលបានអ្នកតាមដានយ៉ាងច្រើនឆាប់រហ័សបំផុតនៅលើបណ្តាញសង្គមនេះ។ ដោយមានអ្នកតាមដាន ២២.៦លាននាក់ Chanyeol អាចទទួលបាន ១៤០ ពាន់ដុល្លារក្នុងមួយការផ្សាយពាណិជ្ជកម្ម ។

៦. Sehun សមាជិក EXO

Sehun ជាតារាប្រុសដែលចូលចិត្តប្រើប្រាស់ Instagram លោកបង្ហោះរូបថតពីក្រោយឆាក ឬរូបថតដំណើរកម្សាន្តផ្ទាល់ខ្លួនជាច្រើនសន្លឹក។ នៅក្នុងក្រុម EXO ចំនួនអ្នកតាមដាន Sehun គឺតិចជាង Chanyeol ប៉ុណ្ណោះ។ សម្រាប់ផ្សាពាណិជ្ជកម្មរបស់លោកនៅលើ Instagram ត្រូវបានគេប៉ាន់ប្រមាណថានឹងទទួលបាន ១៣ ម៉ឺនដុល្លារ ។

៧. G-Dragon សមាជិក BIGBANG

តារា K-pop ដែលទស្សនិកជនតែងតែចាប់អារម្មណ៍លើ Instagram គឺ G-Dragon សមាជិក BIG BANG ហើយ Instagram របស់លោកធ្លាប់អសកម្មដោយសារតែការចូលបម្រើការងាយោធា ចាប់ពីចុងឆ្នាំ ២០១៩ មក G-Dragon ចាប់ផ្តើមមានការបង្ហោះថ្មីនៅលើ Instagram ។ ការបង្ហោះរូបផ្សព្វផ្សាយនីមួយៗ នឹងទទួលបានទឹកប្រាក់ ១២០,០០០ ដុល្លារ ។

៨. Baekhyun សមាជិក EXO

ជាធម្មតា Baekhyun មិនសូវប្រើប្រាស់ Instagram ប៉ុន្តែការបង្ហោះណាមួយរបស់លោកបង្ហាញពីផ្នែកនៃជីវិតរបស់លោក។ នៅលើ Instagram អ្នកគាំទ្រនឹងឃើញការថតរូប Selfie រូបថតដែលថតជាមួយមិត្តភក្តិ ឬរូបភាពកូនឆ្កែរបស់ Baekhyun ហើយចំនួនទឹកប្រាក់ដែលលោករកបានសម្រាប់ការផ្សាយពាណិជ្ជកម្មនៅលើ Instagram គឺបាន ១៣០ ពាន់ដុល្លារ ។

៩. Jackson សមាជិក GOT7

Jackson គឺជាតារាចម្រៀងរ៉េបរបស់ក្រុម GOT7 ហើយក៏ជាតារាចម្រៀងទោលផងដែរ លោកប្រើ Instagram ដើម្បីអាប់ដេតសកម្មភាពផ្ទាល់ខ្លួន ដោយមានស្ទីលប្លែកៗ Jackson ត្រូវបានជ្រើសរើសដោយម៉ាកម៉ូដដើម្បីផ្សព្វផ្សាយផលិតផលរបស់ពួកគេ ដោយលោកទទួលបានប្រាក់ប្រហែល ១២០ ពាន់ដុល្លារក្នុងបង្ហោះមួយដង ។

១០. IU

សម្រាប់គណនី Instagram របស់ IU បានបង្ហាញរូបថតនៅពីក្រោយសកម្មភាពរបស់តារាស្រី និងរូបថតប្រចាំថ្ងៃ ដែលនៅលើ Instagram នាងអាចទទួលបានចំណូលចំពោះប្រហែលជា ១០០,០០០ ចំពោះកង្ហោះផ្សព្វផ្សាយផលិតផលផ្សេងៗនៅគណនី Instagram របស់នាង ៕

ប្រែសម្រួល៖នាងតូច

ចុចអាន៖ពិធីមង្គលការតារាកូរ៉េ ៣ គូ ចំណាយប្រាក់រៀបចំអស់ច្រើនសន្ធឹក