បវរកញ្ញាថៃ Aoom ឆ្លើយតបយ៉ាងមានន័យ ពេលគេប្រៀបធៀបសមត្ថភាពជាមួយ​ អ៊ីងហ្វា

បន្ទាប់ពីឈ្នះមកុដឯក បវរកញ្ញា Aoom Taweephon ម្ចាស់តំណែង Miss Grand Thailand 2023 ទទួលបានការគាំទ្រយ៉ាងខ្លាំងពីសំណាក់ទស្សនិកជនទាំងលើរូបសម្រស់ ភាពក្លាហាន ទំនុកចិត្ត និងសមត្ថភាពរបស់នាង។ ថ្វីបើមានអ្នកគាំទ្រច្រើនពិតមែន នៅតែមានមហាជនមួយចំនួនសម្ដែងការរិះគន់លើបវរកញ្ញារូបនេះ ជាពិសេសលើសមត្ថភាពរកលុយឱ្យក្រុមហ៊ុន ក៏ដូចជាប្រជាប្រិយភាពរបស់នាង ហាក់អន់ថយជាងម្ចាស់មកុដរៀមច្បងគឺ បវរកញ្ញា អ៊ីងហ្វា។

តបទៅនឹងការរិះគន់ បវរកញ្ញា Aoom Taweephon មិនបានសម្ដែងការខឹងសម្បារអ្វីឡើយ ហើយបានផ្ដល់បទសម្ភាសន៍មួយនៅលើកញ្ចក់ទូរទស្សន៍ ដោយនាងបានឆ្លើយបកយ៉ាងមានន័យ។

បវរកញ្ញាវ័យ ២៧ឆ្នាំរូបនេះ ថ្លែងថា “បងស្រី​ អ៊ីងហ្វា នរណាក៏ស្គាល់គាត់ដែរ មិនថាតែក្នុងប្រទេសទេ ថែមទាំងនៅក្រៅប្រទេសទៀតផង។ សម្រស់បង ហ្វា មិនគួរយកមកប្រៀបធៀបជាមួយខ្ញុំទេ ព្រោះមនុស្សម្នាក់ៗមានភាពស្រស់ស្អាតរៀងខ្លួន ហើយឆាកជីវិត​ពួកគេក៏​មិន​ដូច​គ្នា​ដែរ។ អ្វីដែលខ្ញុំធ្វើ ខ្ញុំធ្វើឱ្យអស់ពីសមត្ថភាពរបស់ខ្ញុំហើយ។ ខ្ញុំ​មិនចង់​បានការ​ប្រៀបធៀប​ខ្លួន​ឯង​ជាមួយ​គាត់​នោះ​ទេ។ ខ្ញុំមកទីនេះគឺដើម្បីបង្កើតអត្តសញ្ញាណផ្ទាល់ខ្លួន មិនមែនមកធ្វើតាមគ្នាទេ” ៕

ប្រែសម្រួល៖ សន្យា

ចុចអាន៖ សាវតាត្រួសៗរបស់បវរកញ្ញា Aoom Taweeporn ម្ចាស់មកុដ MGT ដែលទើបគ្រងតំណែងក្ដៅៗ

ចុចអាន៖ លោក Nawat ដាក់ពាក្យប្ដឹងជំនួសអតីតបវរកញ្ញា Engfa រឿងគេបរិហាកេរ្តិ៍លើបណ្ដាញសង្គម