Connect with us

ជីវិតកម្សាន្ដ

G-Dragon ជូនស្បែកជើងប៉ាតាថ្លៃៗដល់បុគ្គលិកទាំងអស់ ក្នុងគម្រប់ខួប ២៧ ឆ្នាំនៃការបង្កើត YG

បានផុស

នៅ

ទោះបីជាកុងត្រាផ្តាច់មុខរបស់ G-Dragon ដែលជាមេក្រុម BIGBANG ជាមួយនឹង YG Entertainment បានផុតកំណត់ក៏ដោយ លោកបានឆ្លៀតឱកាសជូនស្បែកជើងប៉ាតាថ្លៃៗដល់បុគ្គលិកក្នុងគម្រប់ខួប ២៧ ឆ្នាំនៃការបង្កើតផលិត កម្មមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការប្រារព្ធខួបលើកទី ២៧ នៃការបង្កើត YG Entertainment សមាជិក G-Dragon នៃក្រុម BIG BANG បានបានបង្ហាញទឹកចិត្តចំពោះបុគ្គលិកទាំងអស់ដោយផ្តល់អំណោយស្បែកជើងប៉ាតាថ្លៃៗ ដែលជាការសហការរបស់លោកជាមួយក្រុមហ៊ុន Nike ដល់បុគ្គលិករបស់ទីភ្នាក់ងារនេះ។ ជាពិសេសស្បែកជើងប៉ាតាទាំងនេះបច្ចុប្បន្នមានតម្លៃចាប់ពី ២២៩,០០០ វ៉ុន(ប្រហែល ១៧៥ ដុល្លារ ) រហូតដល់តម្លៃ ៣៥០,០០០វ៉ុន(ប្រហែល ២៦៧ ដុល្លារ ) ។

សកម្មភាពមួយនេះរបស់ G-Dragon បានទទួលការចាប់អារម្មណ៍យ៉ាងខ្លាំងក៏ដូចជាក្លាយជាប្រធានបទដ៏ក្តៅនៅលើអ៊ីនធឺណិត ដោយសារបច្ចុប្បន្នតារាចម្រៀងរូបនេះ មិនបានមិនបានបន្តកុងត្រាផ្តាច់មុខជាមួយ YG ។

ម៉្យាងវិញទៀត កាលពីថ្ងៃទី ៥ ខែមិថុនា ផលិតកម្ម YG Entertainment បានទម្លាយថាកិច្ចសន្យាផ្តាច់មុខរបស់ G-Dragon ជាមួយភ្នាក់ងារបានផុតកំណត់ហើយ។ ទោះជាយ៉ាងណាក៏ដោយក្រុមហ៊ុនបានបន្ថែមថាពួកគេនៅតែសហការជាមួយ G-Dragon តាមរយៈកិច្ចសន្យាដាច់ដោយឡែកសម្រាប់ សកម្មភាពផ្សេងទៀតដូចជាការផ្សាយពាណិជ្ជកម្ម ហើយកិច្ចសន្យាបន្ថែមនឹងត្រូវបានពិភាក្សាបន្ថែ មទៀតនៅពេលដែល G-Dragon ចង់បន្តសកម្មភាពតន្ត្រីរបស់គាត់ឡើងវិញ។

យ៉ាងណាមិញ G-Dragon បានចាប់ដៃជាមួយក្រុមហ៊ុន Nike ហើយថ្មីៗនេះបានផលិតស្បែកជើងប៉ាតាម៉ូដថ្មីសម្រាប់ការសហការរបស់លោក បន្ទាប់មកការចេញផ្សាយជាលើកដំបូងនៅក្នុងខែ ធ្នូ ឆ្នាំ ២០២១ ៕

ប្រែសម្រួល៖នាងតូច

ចុចអាន៖សម្ដែងភាពយន្តរោលរាលដូចគ្នា Jennie រងការរិះគន់ ខណៈ Song Hye Kyo ត្រូវគេសរសើរសមត្ថភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម