V បង្កើតកំណត់ត្រាពិភពលោក មានអ្នកតាមដាន ៦០ លាននាក់នៅលើ Instagram

Kim Taehyung ឫ V សមាជិកក្រុម BTS បានក្លាយជាសិល្បករ K POP ដោយប្រើរយៈពេលខ្លីបំផុតដែលមានអ្នកតាមដាន ៦០ លាននាក់នៅលើ Instagram ផ្ទាល់ខ្លួនរបស់នៅលើពិភពលោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងទៅតាមប្រព័ន្ធផ្សព្វផ្សាយកូរ៉េបានឲ្យដឹងថា គណនីផ្ទាល់ខ្លួនរបស់ Taehyung ដែលឈ្មោះថា (@thv) ទទួលបានសមិទ្ធិផលដ៏គួរឱ្យចាប់អារម្មណ៍យ៉ាងខ្លាំង បន្ទាប់ពីចំណាយពេលត្រឹមតែ ៥៥៥ ថ្ងៃប៉ុណ្ណោះចាប់ពីថ្ងែបើដំណើរការគណនីនេះ។ នៅលើទំព័រ Instagram របស់ Taehyung តារាប្រុសរូបនេះចែករំលែកពេលវេលាផ្ទាល់ខ្លួន ការថតទស្សនាវដ្តី ព្រឹត្តិការណ៍ដែលលោកចូលរួម និងរូបភាពពីក្រោយឆាកនៃគម្រោងរបស់លោក ។

អ្វីដែលពិសេសនោះគឺលោកបានបង្ហោះរូបត្រឹមតែ ៨១ សន្លឹកតែប៉ុណ្ណោះ ហើយការបង្ហោះរបស់តារាប្រុសនីមួយៗទទួលបានយ៉ាងហោចណាស់ ១០ លាន Like ដែលជាសក្ខីភាពនៃប្រជាប្រិយភាពនៃគណនីរបស់ Kim Taehyung ។ ជាមួយគ្នានេះ នៅក្នុងខែធ្នូ ឆ្នាំ២០២១ Taehyung បានបំបែកកំណត់ត្រាពិភពលោក Guinness World Records ជាផ្លូវការនៅពេលដែលលោកបង្ហាញគណនី Instagram របស់លោកជាលើកដំបូង។ ដូច្នោះហើយ V បានបង្កើតកំណត់ត្រាថ្មីមួយសម្រាប់គណនី ប្រើរយៈពេលខ្លីបំផុតដែលអាចឈានដល់ ១ លាននាក់ Followers ត្រឹមតែ ៤៣ នាទី និង ១០លាននាក់ ត្រឹមតែ ៤ ម៉ោង ៥២ នាទី ។

ចាប់តាំងពីពេលនោះមក V បានបន្តបង្កើតកំណត់ត្រាថ្មីសម្រាប់គណនីមានអ្នកតាមដានដោយប្រើរយៈពេលខ្លីបំផុតរហូតមានអ្នកតាមដាន ២០ លាន ៣០ លាន ៤០ លាន និង ៥០ លាននាក់។ មកដល់បច្ចុប្បន្ននេះ Kim Taehyug ជាប់កំណត់ត្រាជាគណនីដោយប្រើរយៈពេលខ្លីបំផុតដែលអាចទទួលបានអ្នកតាមដាន ៦០ លាននាក់ ៕

ប្រែសម្រួល៖នាងតូច

ចុចអាន៖BLACKPINK នឹងសម្រាកមួយរយៈពេលខ្លី មុននឹងបន្តកាលវិភាគដ៏មមាញឹក