ទស្សនិកជនរិះគន់សមត្ថភាពសម្ដែងរបស់ Dilraba ថាមិនសមជាកំពូលតារា

តារាសម្ដែងចិន Dilraba ត្រូវទស្សនិកជននាំគ្នារិះគន់មិនទុកមុខ ក្រោយពេលនាងលេចមុខក្នុងរឿងភាគថ្មី ព្រោះសមត្ថភាពសម្ដែងរបស់នាងហាក់ធ្លាក់ចុះ បើប្រៀបនឹងរឿងមុនៗ រឿងមួយនេះ នាងទទួលបានពិន្ទុគាំទ្រតិចបំផុត។

បន្ទាប់ពីខ្សែភាពយន្ត “Prosecution Elite” ត្រូវបានចាក់ផ្សាយចប់ ទស្សនិកជនហាក់មិនពេញចិត្តសមត្ថភាពសម្ដែងរបស់ Dilraba ទាល់តែសោះ ហើយគ្រប់គ្នាលើកឡើងនូវមតិអវិជ្ជមានស្រដៀងៗគ្នាថា តារាស្រីវ័យ ៣១ឆ្នាំរូបនេះ មិនសក្តិសមឈរក្នុងតារាងកំពូលតារាស្រីចិន។

បន្ថែមពីលើការរិះគន់នូវការសម្ដែងខ្សែភាពយន្តសម័យទំនើប ទស្សនិកជនមួយចំនួនបានបង្អាប់រូបសម្រស់របស់ Dilraba ថាមិនសមសម្ដែងជាតួបុរាណ ព្រោះរូបរាងរបស់នាងមិនស៊ីគ្នានឹងសម័យមុនឡើយ។

យ៉ាងណាមិញ នោះគ្រាន់តែជាមតិមួយចំនួនប៉ុណ្ណោះ ជាក់ស្ដែងតារាស្រីរូបនេះ កំពុងទទួលបានប្រជាប្រិយភាពល្បីល្បាញគ្របដណ្ដប់ពាសពេញប្រទេសចិន ព្រមទាំងអន្តរជាតិផងដែរ៕

ប្រែសម្រួល៖ សន្យា

ចុចអាន៖ Dilraba រងការរិះគន់ថា ស្លៀកពាក់មិនសមក្នុងព្រឹត្តិការណ៍

ចុចអាន៖ Dilraba រងការរិះគន់ ក្រោយផ្សព្វផ្សាយពាណិជ្ជកម្មគ្រឿងអលង្ការឲ្យប្រេន Dior