ជីវិតកម្សាន្ដ

ភស្តុតាងមួយឆ្នាំមុនអាចបញ្ជាក់ថា Park Seo Joon ទាក់ទងនឹង xooos យូរហើយ

បានផុស

២ years មុន

នៅ

ថ្ងៃពុធ ២១ មិថុនា ២០២៣

ដោយ

ប៉ុន្មានម៉ោងមុននេះ ធ្លាយពាក្យចចាមអារ៉ាមថា Park Seo Joon កំពុងណាត់ជួបជាមួយ xooos ដែលមានអាយុតិចជាងលោក៥ឆ្នាំ និងមានអ្នកតាមដានជាង ១.៥លាននាក់នៅលើ Youtube នៅតែក្លាយជាប្រធានបទក្តៅដដែល។ ទោះបីជាភ្នាក់ងាររបស់តារាសម្តែងរូបនេះមិនទាន់ផ្តល់មតិជាក់លាក់ក៏ដោយ អ្នកនិយមលេងអ៊ីនធឺណេតបានរកឃើញព័ត៌មានលម្អិតជាបន្តបន្ទាប់ដែលបញ្ជាក់ពីរឿងរ៉ាវស្នេហារបស់អ្នកទាំងពីរកាលពីមួយឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាងនេះទៅទៀត Park Seo Joon និង xooos ត្រូវគេនិយាយថា បានណាត់ជួបដោយសម្ងាត់កាលពី ១ ឆ្នាំមុនមកម្ល៉េះ។ កាលណោះ Youtuber រូបនេះបង្ហោះសារសរសើរហាងកាហ្វេនៅអគារ Park Seo Joon រស់នៅ១ថ្ងៃមុនថ្ងៃខួបកំណើតរបស់លោក ធ្វើឲ្យមានមន្ទិលសង្ស័យថាអ្នកទាំងពីរបានជួបគ្នាដើម្បីអបអរថ្ងៃខួបកំណើត។

ក្នុងឆ្នាំ ២០២២ផងដែរ ពេលដែលចូលរួមក្នុងព្រឹត្តិការណ៍របស់ Chanel នៅទីក្រុងឡុងដ៍ Park Seo Joon និង នាងបានបង្ហាញខ្លួនដោយថតរូបជាមួយគ្នា។ អាស្រ័យហេតុនេះ តារាសម្តែង Park Seo Joon បច្ចុប្បន្នជាទូតសុឆន្ទៈរបស់ Chanel ប៉ុន្តែភាគីរបស់ xooos ហាក់ដូចជាមិនមានទំនាក់ទំនងអ្វីជាមួយយីហោដ៏ពេញនិយមនេះទេ។ មិនត្រឹមតែប៉ុណ្ណោះ គូស្នេហ៍មួយគូនេះក៏បានទៅដើរទិញឥវ៉ាន់ជាមួយគ្នានៅទីក្រុងឡុងដ៍ផងដែរ។

លើសពីនេះទៀត xooos ក៏បានតាមដានគណនីបណ្តាញសង្គមរបស់ប្អូនប្រុស និងបុគ្គលិកនៅក្នុងក្រុមហ៊ុនរបស់ Park Seo Joon ផងដែរ។ ទោះជាយ៉ាងណាក៏ដោយ នាងមិនបានតាមដាន Park Seo Joon ដើម្បីចៀសវាងការសង្ស័យពីពិភពអនឡាញ។ ចំណែកប្អូនប្រុសរបស់ Park Seo Joon ក៏តាមដានគណនីបណ្តាញសង្គមរបស់ xooos ផងដែរ។ ជាមួយគ្នានេះ អ្នកទាំងពីរមានភាពស្និទ្ធស្នាលជាមួយតារាចម្រៀងប្រុស Peakboy ខ្លាំង។ ព័ត៌មានលម្អិតនេះ ធ្វើឲ្យអ្នកគាំទ្រកាន់តែមានការសង្ស័យចំពោះទំនាក់ទំនងរវាង Park Seo Joon ខ្លាំងជាងមុន។

បន្ថែមពីនេះទៀត xooos មានភាពស្និទ្ធស្នាលខ្លាំង ឧស្សាហ៍ចេញក្រៅថតរូបជាមួយ Jennie និង Jung Ho Yeon។ តារាស្រីល្បីៗទាំងពីរដួងនេះតែងតែជួបគ្នា មានភាពសប្បាយរីករាយ និងទំនាក់ទំនងជិតស្និទ្ធជាមួយ Park Seo Joon នៅក្នុងព្រឹត្តិការណ៍នានា។

ទោះយ៉ាងណាក៏ដោយ រឿងដែល Park Seo Joon ណាត់ជួបស្រីតារាស្រីយូធូប xooos នៅតែជាសំណួរបើកចំហសម្រាប់អ្នលេងអ៉ិនធើណេតជាច្រើន ខណៈទស្សនិកជនមួយចំនួនធំក៏ចាប់អារម្មណ៍ដោយគាំទ្រជាឯកច្ឆ័ន្ទឲ្យគូស្នេហ៍មួយគូនេះបង្កាត់ភ្លើងស្នេហ៍៕