ជីវិតកម្សាន្ដ

មួយឈុតដែល Lisa ស្លៀកដើរកម្សាន្តនៅប្រទេសក្រិក តម្លៃរាប់លានដុល្លារ

បានផុស

៣ years មុន

នៅ

ថ្ងៃសុក្រ ១១ សីហា ២០២៣

ដោយ

បន្ទាប់ពីការបង្ហោះរូបថតឈុតប៊ីគីនីដ៏ក្តៅគគុកកាលពីថ្ងៃទី ០៩ ខែសីហា Lisa សមាជិកក្រុម BLACKPINK បានបញ្ចេញរូបថតដ៏ស្រស់ស្អាតបន្ថែមទៀតរបស់នាងនៅពេលវិស្សមកាល។ ជាពិសេសគឺជាការអាប់ដេតប្រព័ន្ធផ្សព្វផ្សាយសង្គមផ្ទាល់ខ្លួន ចំពេលមានពាក្យចចាមអារ៉ាមណាត់ជួបជាមួយអ្នកស្នងមរតករបស់ LVMH នៅ Navagio Beach ប្រទេសក្រិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការអាប់ដេតចុងក្រោយបំផុតនៅលើ SNS តារា K-pop រូបនេះ បានស្លៀករ៉ូបពណ៌លឿងពី Zimmermann បង្ហាញឲ្យឃើញខ្នងនិងចង្កេះដ៏សិចស៊ី ខណៈដែលវាត្រូវបានគេដឹងថាមានតម្លៃ ៨៩៥ ដុល្លារឯណោះ។

Lisa ក៏បានបន្ថែមទៅលើរូបរាងនេះជាមួយនឹងកាបូប Triomphe Chain Bag របស់ CELINE។ ពណ៌នៃកាបូបនេះរួមបញ្ចូលគ្នាយ៉ាងល្អឥតខ្ចោះជាមួយនឹងរ៉ូបពណ៌លឿងរបស់ Lisa ស្របពេលដែលគេដឹងថា កាបូបនេះមានតម្លៃប្រហែល៣,៣៤០ ដុល្លារ។

លើសពីនេះមិនចម្លែកនោះទេ ក្នុងនាមជាទូតសុឆន្ទៈម៉ាកយីហោពិភពលោករបស់ BVLGARI នាងបានពាក់គ្រឿងលម្អដ៏ស្រស់ស្អាត និងប្រណិតជាច្រើនពីម៉ាកនេះ តម្លៃសរុបនៃនាឡិកា ចិញ្ចៀន និងខ្សែក BVLGARI របស់នាងគឺប្រហែល ១៤៣,០០០ ដុល្លារ។ សរុបមកមួយឈុតដែលនាងស្លៀកបង្ហាញអ្នកគាំទ្រ វាមានតម្លៃរហូតដល់ ១៤៧,០០០ដុល្លារអាមេរិក ៕