Jisoo ត្រូវទស្សនិកជនគាំទ្រឲ្យក្លាយជាតួស្រីក្នុងភាពយន្តតុក្កតា One Piece រដូវកាលទី ២

“One Piece” រឿងភាគអាមេរិករបស់ Netflix និងបានធ្វើការកែសម្រួលទៅជារឿងតុក្កតាដ៏ពេញនិយមបំផុតរបស់ប្រទេសជប៉ុន ហើយក៏ទទួលបានការវាយតម្លៃដ៏អស្ចារ្យ។ ពេលនេះគ្រោងនឹងផលិតរដូវកាលទី ២ ខណៈដែលអ្នកគាំទ្រចង់ឲ្យតួស្រីជា Jisoo។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀតដែរ ចំនួនម៉ោងដែលបានមើលក្នុងសប្តាហ៍ដំបូងកាលពីរដូវកាលទីមួយទទួលបានលើសពី ១៤០ លាន ហើយប្រទេសចំនួន ៩៣ ជុំវិញពិភពលោកបានជាប់ចំណាត់ថ្នាក់ក្នុងចំណោមកម្មវិធីកំពូលទាំង១០ ប្រចាំសប្តាហ៍ ដែលធ្វើឲ្យរឿង”ONEPIECE” Season 2 មានការទន្ទឹងរង់ចាំយ៉ាងខ្លាំងនៃបណ្ដាអ្នកទស្សនា។

ក្រៅពីតួស្រី Chopper​ ដែលរើសបាន តួថ្មីដែលគ្រប់គ្នាទន្ទឹងរង់ចាំបំផុតនោះគឺ Boa Hancock ឬ Princess Snake ខណៈអ្នកគាំទ្រស្នើសុំឲ្យ Jisoo សមាជិកក្រុម BLACKPINK សម្តែងជាតួអង្គមួយនេះ។

Princess Snake ឬ Boa Hancock គឺជាស្ត្រីតែមួយគត់ក្នុងចំណោមអ្នកចម្បាំងទាំង៧នៅក្រោមស្តេច។ នាងគឺជា​នារី​ស្អាត​បំផុត​ក្នុង​លោក នាងមានសក់វែងពណ៌ខ្មៅ និងភ្នែកមានពណ៌ខៀវងងឹត រាងខ្ពស់ និងសុដន់ធំបែបស្ទាយ J-cup គឺជាលក្ខណៈពិសេសរបស់នាង។

ដើម្បី​គាំទ្រ​រូបរាង​របស់​នារី​ស្អាត​បំផុត​ក្នុង​ពិភពលោក​ក្នុង​រឿង “ONEPIECE” អ្នក​គាំទ្រ​មួយ​ចំនួន​បាន​ណែនាំ​យ៉ាង​ខ្លាំង​ដល់ Jisoo ​ឲ្យ​សម្តែង។ អ្នក​គាំទ្រ​ថែម​ទាំង​បាន​បង្កើត​រូប​ភាព​ពិត​របស់ Jisoo ទៅជា Pirate Empress ផង​ដែរ អ្នក​អាច​មើល​ឃើញ​ថា​ម៉ូដ​សក់របស់ Ji-soo គឺដូចគ្នាបេះដាក់ទៅនឹងតុក្កតាមួយនេះផងដែរ៕

ប្រែសម្រួល៖ សាង ស្រីល័ក្ខ

ចុចអាន៖ភាគហ៊ុន YG កាន់តែដុនដាបខ្លាំង ក្រោយពាក្យចចាមអារ៉ាមថា Jennie, Jisoo, Lisa មិនបន្តកុងត្រា