ជីវិតកម្សាន្ដ

ទស្សនិកជនលើកសរសើរតួឯកស្រីរឿង “អ្នកប្រមាញ់ទីក្រុង” ថា មានភ្នែកស្អាត ទោះឈានដល់វ័យ ៥៦ ឆ្នាំ

បានផុស

៣ years មុន

នៅ

ថ្ងៃសុក្រ ២២ ធ្នូ ២០២៣

ដោយ

ប្រិយមិត្តដែលនិយមតាមដានភាពយន្តហុងកុង ប្រាកដជាស្គាល់តារាសម្ដែងត៉ៃវ៉ាន់ដ៏ល្បីល្បាញ Joey Wong ក្នុងឧស្សាហកម្មកម្សាន្តមួយនេះមិនខាន។ នាងបានលេចមុខសម្ដែងក្នុងខ្សែភាពយន្តហុងកុងល្បីៗ និងជោគជ័យជាច្រើន ព្រមទាំងត្រូវទស្សនិកជនលើកសរសើរថា ជាតួឯកស្រីឈានមុខគេក្នុងវិស័យភាពយន្តអាស៊ីក្នុងទសវត្សរ៍ឆ្នាំ ១៩៩០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងនេះក្ដី ដ្បិតថាបច្ចុប្បន្ននេះតារាជើងចាស់ Joey Wong មានអាយុ ៥៦ឆ្នាំ លែងបង្ហាញមុខលើឆាកសម្តែង ប៉ុន្តែអ្នកគាំទ្រនៅតែមិនភ្លេចនាង និងនៅតែបន្តនិយាយពីសម្រស់របស់នាងថា ជារាជិនីសម្រស់ថែមទៀតផង។ ជាពិសេសកែវភ្នែករបសតួឯកស្រីក្នុងរឿង “អ្នកប្រមាញ់ទីក្រុង” មនុស្សជាច្រើនតែងតែឆ្ងល់ថា តើការតុបតែងមុខរបស់តារាហុងកុងរូបនេះធ្លាប់ពាក់ Contact Lens ដែរឬទេ? ព្រោះភ្នែកនាងមានពណ៌ត្នោត មិនខ្មៅខ្លាំង ហើយមើលទៅស្អាតខុសពីមនុស្សស្រីដទៃទៀតផងដែរ។

យ៉ាងណាមិញ មិនឲ្យទស្សនិកជនមានចំងល់យូរឡើយ តាមរយៈផេកដែលគាំទ្រតារាជើងចាស់រូបនេះបានរ៉ាយរ៉ាប់ប្រាប់មហាជនយ៉ាងដូច្នោះថាៈ ជនជាតិចិនជាប្រជាជាតិមួយដែលមានប្រវត្តិដ៏យូរអង្វែង។ នៅក្នុងគ្រួសារធំៗជាច្រើន ដូចជាគ្រួសារ Zhou Hai Mei និង Guan Ji Lin នឹងមានមែកធាងគ្រួសារ ពួកគេជាអភិជនចាស់ៗពីរាជវង្សយាន រាជវង្សមីង ឬរាជវង្សឈីង ហើយបន្ទាប់មកធ្វើអន្តោប្រវេសន៍ទៅហុងកុង តៃវ៉ាន់ក្នុងអំឡុងសង្គ្រាមរវាងបក្សកុម្មុយនិស្ត និងបក្សគួមីនតាង។ តារាស្រីហុងកុង និងតៃវ៉ាន់ជាច្រើនរូប ពួកវាមានភ្នែកពណ៌ត្នោត ខ្លះមានពណ៌ត្នោតក្រហម ដូចជា Joey Wong ឬពណ៌លឿងត្នោតក៏មាន។ ដូច្នេះមិនមែនជារឿងចម្លែកនោះទេ ដែលនាងមានភ្នែកស្រស់ស្អាតខ្លាំងបើទោះជាឈានដល់វ័យ៥៦ឆ្នាំក៏ដោយ។

បន្ទាប់ពីមានការបកស្រាយយ៉ាងលម្អិតពីផេកផ្លូវការដែលគាំទ្រ Joey Wong កន្លងមក មហាជនហាក់អស់ចំងល់មួយនេះ និងយល់ស្របតាមការលើកឡើងឥតប្រកែកឡើយ។ ជាពិសេសនាងធ្លាប់ជាប់ឈ្មោះជាបុប្ផា៤ទងរបស់ហុងកុងនាទសវត្សរ៍ឆ្នាំ៩០ ពីរូបរាងល្អឯកនិងសម្រស់ឥតខ្ចោះ។

សូមបញ្ចាក់ឲ្យដឹងថា Joey Wong ធ្លាប់សម្ដែងក្នុងរឿង “អ្នកប្រមាញ់ទីក្រុង” និង “ស្ដេចល្បែងម៉ាកាវ” ដែលកាលណោះទស្សនិកជនកម្ពុជាជាច្រើនស្គាល់នាងយ៉ាងច្បាស់តាមរយៈទេពកោសល្យសម្ដែង និងរូបសម្រស់ដ៏ស្រស់ស្អាតលេចធ្លោក្នុងភាពយន្តមួយនេះ។ ប៉ុន្ដែគួរឲ្យសោកស្ដាយ ក្នុងឆ្នាំ ២០០៤ រូបនាងស្រាប់តែប្រកាសបញ្ចប់អាជីពសិល្បៈ និងបាត់មុខអស់រយៈពេលជិត ២០ ឆ្នាំពីវិស័យភាពយន្ដជាហេតុធ្វើឲ្យមហាជន និងអ្នកគាំទ្រហាក់មានការនឹករលឹកជាខ្លាំង ខណៈមានមនុស្សជាច្រើនស្នើសុំឲ្យនាងវិលត្រលប់មកសម្ដែងក្នុងរឿងនានា ឬជួបជុំសម្ដែងរួមគ្នាជាមួយតារាល្បីៗមានវ័យស្រករៗឡើងវិញផងដែរ៕