ជីវិតកម្សាន្ដ

ផលិតករភាពយន្ត៖ ដល់ពេលហើយ ដែលត្រូវស្តារតម្លៃសិល្បៈឲ្យងើបឡើង

បានផុស

១ year មុន

នៅ

ថ្ងៃព្រហស្បតិ៍ ២២ កុម្ភៈ ២០២៤

ដោយ

ជាអ្នកដឹកនាំសម្តែង និងជាផលិតករភាពយន្តដ៏ល្បីឈ្មោះលោក ហ៊ុយ យ៉ាឡេង បានចេញមកបញ្ជាក់ថា សិល្បៈជាដួងព្រលឹងជាតិដូច្នេះដល់ពេលហើយ ដែលយើងគ្រប់គ្នាត្រូវចូលរួមស្តារតម្លៃសិល្បៈឲ្យកាន់តែងើបឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់ផលិតករលោក ហ៊ុយ យ៉ាងឡេង នេះគឺធ្វើឡើងស្របពេលដែលការជ្រើសរើសប្រធានសមាគមសិល្បករខ្មែរអាណត្តិថ្មីបាននឹងកំពុងត្រៀមរៀបចំការបោះឆ្នោតផ្តល់ទំនុកចិត្តសម្រាប់បេក្ខភាពថ្មីដែលសក្តិសមក្នុងការដឹកនាំបន្តពីប្រធានសិល្បករចាស់គឺអ្នកនាង ចន ច័ន្ទលក្ខិណា ដែលនឹងត្រូវបញ្ចប់អាណត្តិឆាប់ៗខាងមុខនេះ។

យ៉ាងណាមកទល់ពេលនេះ គេក៏សម្លឹងឃើញរួចជាស្រេចចំពោះអ្នកដែលមានសមត្ថភាពសក្តិសមក្នុងការដឹកនាំសមាគមមួយនេះគឺបេក្ខភាពលោកជំទាវអ្នក ឧកញ៉ា ម៉ៅ ចំណាន ភរិយារបស់អ្នកឧកញ៉ា គិត ម៉េង ដែលបានប្រកាសឈរឈ្មោះជាប្រធានសមាគមសិល្បៈកាលពីថ្ងៃទី២១ ខែកុម្ភ: ម្សិលមិញនេះ។

ដោយឡែកលោក ហ៊ុយ យ៉ាឡេង បានលើកឡើងថា ដល់ពេលហើយដែលយើងត្រូវស្តារតម្លៃសិល្បៈឲ្យងើបឡើង មរតកសិល្បៈមនុស្សរស់មានច្រើនណាស់ដែលយើងមិនបានថែរក្សា និងលើកតម្តើងមិនថាជាប់បេក្ខភាពរូបណាទេខ្ញុំបាទ កថាជ័យសូមស្ម័គ្រចូលរួមបម្រើការងារក្នុងសមាគមដើម្បីជ្រោងសិល្បៈយើងឲ្យមានតម្លៃជាអមតៈតទៅមុខរៀងអើយ សិល្បៈ គឺជាដួងព្រលឹងជាតិ។

សូមបញ្ជាក់ថា ផលិតករភាពយន្តល្បីឈ្មោះរឿង “ដើម្បីកូន” លោក ហ៊ុយ យ៉ាងឡេង គិតមកដល់ពេលនេះលោកបានដាក់ខ្លួនចូលបម្រើសិល្បៈមានរយៈពេលយូរឆ្នាំទៅហើយ ខណៈស្នារដៃផលិតរបស់លោកមិនចាញ់ផលិតករឯទៀតទេ។ កន្លងមកលោកធ្លាប់អះអាងពីឆន្ទៈរបស់ខ្លួនដោយចាត់ទុកថា ក្នុងមួយជីវិតលោកបើមិនបានផលិតភាពយន្តស្មើនឹងស្លាប់៕

អត្ថបទ៖ ចាន់រ៉ា