លោក សុះ ម៉ាច អះអាង​គ្មានចេតនាត្រឡប់មក​ឈរឈ្មោះ​ជាប្រធានសមាគម​សិល្បៈវិញទេ

អតីតប្រធានសមាគមសិល្បករខ្មែរ ២ អាណត្តិលោក សុះ ម៉ាច បានបញ្ជាក់ជំហរ​ថា លោកគ្មានចេតនាវិលត្រឡប់ឈរឈ្មោះ​ជាប្រធានសមាគមវិញទេប៉ុន្តែបេះដូងឆន្ទ:មនសិការ ស្រឡាញ់សិល្បៈវប្បធម៌ជាតិនិងអ្នកសិល្ប:ដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខបញ្ជាក់របស់តារាចម្រៀងលោក សុះ ម៉ាច ខាងលើនេះ បន្ទាប់ពីមានមហាជនអ្នកគាំទ្រ ក៏ដូចជាសិល្បករ-សិល្បការិនីមួយចំនួនបានជម្រុញលើកទឹកចិត្តឲ្យលោកឈរឈ្មោះបន្តធ្វើជាប្រធានសមាគមសិល្បករខ្មែរអាណត្តិថ្មីក្រោយពេលអ្នក​នាង ច​ន ច័ន្ទ​ល​ក្ខិ​ណា ដែលជាប្រធានសមាគមសិល្បករខ្មែរអាណត្តិបច្ចុប្បន្នបានប្រកាស​បញ្ចប់​អាណត្តិ​ពី​ប្រធាន«​សមាគម​សិល្បករ​ខ្មែរ​» ដែល​កំពុងត្រៀមរៀប ចំ​ការ​បោះ​ឆ្នោត​អាណត្តិ​ថ្មី​នៅ​ក្នុងឆ្នាំ២០២៤។

លោក សុះ ម៉ាច បានលើកឡើងបែបនេះថា“ខ្ញុំសូមអរគុណណាស់ដែលភ្ជាប់ឈ្មោះជាបេក្ខ ភាពឈរជាប្រធានសមាគមសិល្ប:អាណត្តិថ្មីតែខ្ញុំសូមទោសផង ខ្ញុំគ្មានចេតនាត្រឡប់ជាប្រធានវិញទេខ្ញុំគ្មានធនធានមា នតែបេះដូងឆន្ទ:មនសិការ ស្រឡាញ់សិល្បៈវប្បធម៌ជាតិនិងអ្នកសិល្ប:ដូចគ្នានិងការលះបង់តែប៉ុណ្ណោះ “។

តារាចម្រៀងជើងចាស់លោកសុះ ម៉ាច បានបន្ថែមថា សម្រាប់អាណត្តិនេះពុំមានឈ្មោះលោកទេ បេក្ខភាពស័ក្តិសមមានច្រើនណាស់ដែលជា ក្តីសង្ឃឹមសម្រាប់ជ្រោមជ្រែងសមាគមសិល្បករខ្មែរឱ្យដំណើរការប្រក បដោយភាពជោគជ័យសកម្មភាពដែលជាតម្លៃសម្រា ប់វិស័យសិល្ប:ជាតិនិងសង្គមសិល្ប:ដែលត្រូវការភា ពកក់ក្តៅ។

គួរបញ្ជាក់ថា លោក សុះ ម៉ាច កន្លងមកគឺជាអតតីប្រធានសមាគមសិល្បករខ្មែរ ២ អាណត្តិនិងតារាចម្រៀងជើងចាស់ដ៏មានប្រជាប្រិយភាពរហូតមកដល់ពេលប ច្ចុប្បន្ន។លោក សុះ ម៉ាច បានជាប់ឈាមជ័រជាអ្នកសិ ល្ប:ព្រោះលោកគឺត្រូវជាកូនប្រុសបង្កើតរបស់លោក តាសុះ ម៉ាត់តារាចម្រៀងល្បីនិងសម្បូរស្នេហ៍​ក្នុងទស វត្សរ៍ឆ្នាំ៦០-៧០៕ ចាន់រ៉ា