ជីវិតកម្សាន្ដ

ពេជ្រ សូលីកា ស្នើផេកមួយចំនួនកុំយករូបភាពកូនប្រុសភ្ជាប់ការផ្សាយព័ត៌មានមិនល្អ

បានផុស

១១ ខែ មុន

នៅ

ថ្ងៃចន្ទ ២២ មេសា ២០២៤

ដោយ

អ្នកមេម៉ាយចាយសម្រស់ និងជាតារាចម្រៀងអ្នកនាង ពេជ្រ សូលីកា ថ្មីៗនេះបានចេញមកស្នើដោយទទូចទៅលើប្រព័ន្ធផ្សព្វផ្សាយ ឬផេកមួយចំនួនឲ្យបញ្ឈប់ការយករូបភាពកូនប្រុសរបស់នាងដែលនៅក្មេងទៅធ្វើការបង្ហោះភ្ជាប់អត្ថបទព័ត៌មានរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខស្នើសុំពីសំណាក់តារាស្រីរូបស្រស់ ពេជ្រ សូលីកា នាពេលនេះត្រូវបានគេយល់ថា កន្លងមកគឺមានបណ្តាផេកមួយចំនួនបានចុះផ្សាយពីនាង ហើយបានបង្ហោះភ្ជាប់នឹងរូបភាពកូនប្រុសរបស់ខ្លួនដែលគ្នានៅក្មេងមិនទាន់ដឹងអី។ ហេតុផលនេះហើយទើប ពេជ្រ សូលីកា ហាក់មិនសប្បាយចិត្តក៏ចេញមុខអំពាវដោយស្នើសុំយ៉ាងទទូចបែបនេះ។

ពេជ្រ សូលីកា បានលើកឡើងថា “សូមគោរពដល់គ្រប់សារព័ត៌មានទាំងអស់នាងខ្ញុំ ពេជ្រ សូលីកា សូមសំណូមពរទៅដល់បងៗកាន់ផេកព័ត៌មានមួយចំនួន សូមកុំប៉ះពាល់ដល់រូបកូនប្រុសរបស់ខ្ញុំ ទាំងរូបភាព និងការនិយាយស្ដីពីគាត់ បងៗចង់ផ្សាយអី្វផ្សាយចុះតែកុំយករូបកូនប្រុសខ្ញុំចូលទៅក្នុងព័ត៌មានដែលអត់ប្រយោជន៍“។

តារាចម្រៀងអ្នកនាង ពេជ្រ សូលីកា បញ្ជាក់ទៀតថា សម្រាប់នាងអត់ដែលខ្វល់នឹងរឿងអត់ប្រយោជន៍ទេបើផ្សាយពីនាងយ៉ាងម៉េចក៏ផ្សាយទៅចុះ តែអ្វីដែលសុំ គឺកុំយករូបកូនប្រុសនាងមកផុសព័ត៌មានរញ៉េរញ៉ៃបែបនេះ ព្រោះចិត្តនាងជាម្ដាយនាងស្រលាញ់កូនហើយនាងក៏ការពារកូន និងគិតអនាគតកូន។

ប្រាកដណាស់ឆ្លងកាត់ជីវិតដ៏លំបាក និងការតស៊ូរជាច្រើនកន្លងមកនេះបានបង្រៀងតារាចម្រៀង ពេជ្រ សូលីកា ឲ្យកាន់តែមានភាពរឹងមាំសម្រាប់ជីវិតមួយនេះ។ ម្យ៉ាងទៀតគេក៏កត់សម្គាល់ថា ពេជ្រ សូលីកា សព្វថ្ងៃក៏បានបំពេញតួនាទីយ៉ាងល្អក្នុងការមើលថែរក្សាកូន ថ្វីត្បិតនាងក្លាយជាស្រ្តីមេម៉ាយក្នុងពេលប៉ុន្មានឆ្នាំមកនេះ។

ទោះបីជា ពេជ្រ សូលីកា នៅអំឡុងមួយរយៈពេលកន្លងមកបានជួបប្រទះនូវរឿងរ៉ាវស្មុគស្មាញមិនសប្បាយចិត្តមួយចំនួន ពោលគឺចាប់តាំងពីមានដំណឹងនៃការបែកបាក់ស្វាមីយ៉ាងណាក្តី ប៉ុន្តែក្តីសង្ឃឹមរបស់នាងបានបង្ហាញពីភាពជឿជាក់ជានិច្ចលើវិថីជីវិតរស់នៅចិញ្ចឹមកូន។ សូលីកា បច្ចុប្បន្នក៏គេសង្កេតឃើញថាអ្នកម្ដាយ Single រូបនេះបានរលាស់ខ្លួនចេញពីបញ្ហាមួយចំនួនដោយភាពរឹងមាំ៕

អត្ថបទ៖ ចាន់រ៉ា