ជីវិតកម្សាន្ដ

ឃុំ ប៉ុណ្ណាដែត គាំទ្រសកម្មភាពតបស្នងរៀមច្បង ខាត់ សុឃីម ចំពោះតារាកំប្លែងនាយ កុយ

បានផុស

២ years មុន

នៅ

ថ្ងៃអង្គារ ២៨ ឧសភា ២០២៤

ដោយ

បន្ទាប់ពីឃើញសកម្មភាព នៃការតបស្នងរបស់តារាពហុជំនាញ ខាត់ សុឃីម ចំពោះរៀមច្បងនាយ កុយ ដែលទង្វើនេះជាគំរូល្អសម្រាប់សិល្បៈជំនាន់ក្រោយៗ នោះ តារាចម្រៀង ឃុំ ប៉ុណ្ណាដែត បានបង្ហាញការគាំទ្រខ្លាំង និងជំរុញឲ្យមានការយកចិត្តទុកដាក់វីរសិល្បៈបាត់បង់សមត្ថភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ទង្វើនេះពិតជាគំរូដ៏ល្អសម្រាប់សិល្បករសិល្បការិនីឯទៀត ក្រោយតារាស្រីពហុជំនាញអ្នកនាង ខាត់ សុឃីម បានបង្ហាញពីសកម្មភាពដឹងគុណចំពោះសិល្បៈរៀមច្បង គឺតារាកំប្លែងនាយ កុយ ដែលធ្លាប់បានផ្តល់ឱកាសបណ្ដុះបណ្ដាលឲ្យបានលេងកំប្លែង និងច្រៀងសម្តែងជាមួយគ្នា។

តាមរយៈសកម្មភាពដ៏គំរូនេះដែរ ត្រូវបានលោក ឃុំ ប៉ុណ្ណាដែត លើកឡើងថា “ពិតជាប្រពៃណាស់បងស្រី ឃើញរៀមច្បងចាស់ៗ ដែលគាត់បាត់បង់សមត្ថភាពពិតជាក្តុកក្តួលក្នុងចិត្តយ៉ាងខ្លាំង សង្ឃឹមថានឹងមានការយកចិត្តទុកដាក់ពីថ្នាក់ដឹកនាំគ្រប់ជាន់ថ្នាក់”។ ចំណែកឯអ្នកគាំទ្រ ក៏បានគាំទ្រ និងលើកសរសើរចំពោះការដឹងគុណពីសំណាក់អ្នកនាង ខាត់ សុឃីម ផងដែរ។

រីឯ លោក យ៉ែម សំអូន ក៏បានបញ្ចេញមតិថា ”គ្រូប្រៀបដូចជាឪពុកទីពីរ ត្រឹមមួយថ្ងៃគឺគ្រូមួយជីវិតកេរដំណែលសមត្ថភាពមរកតមនុស្យរស់ ខ្ញុំសូមចូលរួមថែរក្សា និងសូមលោកទទួលការគោរពអំពីខ្ញុំផងចុះ”។ ជាមួយគ្នានោះ ក៏មានការលើកឡើងថា ”មានអារម្មណ៍ថាចូលចិត្តបងស្រី គោរពស្រឡាញ់បងស្រីពេលដែលបងបញ្ចេញកាយវិការទន់ភ្លន់សាមញ្ញពាក្យពិតទាំងត្រង់។ ចិត្តត្រជាក់ បងជាវីរសិល្បៈគួរឲ្យគោរព និងអភិរក្សមរតកមនុស្សរស់”។

គួររម្លឹកថា ថ្មីៗ នេះ មានការចែករំលែកនៅលើបណ្តាញសង្គមគ្រាដែលអ្នកនាង ខាត់ សុឃីម និងតារាកំប្លែងនាយ កុយ ចូលរួមកិច្ចសម្ភាសន៍នៅក្នុងកម្មវិធីមួយបានបញ្ជាក់ថា តារាពហុជំនាញមួយរូប បានដឹងគុណយ៉ាងខ្លាំងនៅចំពោះមុខនាយ កុយ។ ក្រៅពីកន្ត្រកផ្លែឈើជូននាយ កុយ គឺអ្នកនាង ខាត់ សុឃីម បានលុតជង្គង់សំពះថ្វាយបង្គំនាយ កុយ ជាមួយការនិយាយទាំងអួលដើម.ក ទៀតផង៕

អត្ថបទ ៖ ចាន់រ៉ា